जेव्हा सचिनला आचरेकर मास्तरांनी झापड मारली…

coach Achrekar -Sachin Tendulkar

क्रिकेटच्या इतिहासात काही मनोरंजक आणि खळबळजनक घटना घडतात. टीव्हीवर ते दाखवत नाही; पण ती पार्श्वभूमी खूप महत्त्वाची आहे.

सचिनसारखा खेळाडू देणारे त्या काळातील प्रसिद्ध क्रिकेट कोच रमाकांत आचरेकर यांचे भारतीय क्रिकेटला मोठे योगदान आहे. आचरेकर हे प्रतिभावान मध्यमवर्गीय मुलांची आशा होती आणि त्यांनी त्या मुलांना अशा प्रकारे प्रशिक्षण दिले जशी ती त्यांचीच मुले आहेत. आचरेकरांची कथा फक्त सचिनला पुढे असलेल्या आव्हानांसाठी तयार करण्याची नाही तर ती प्रोत्साहन, आशा आणि सकारात्मकतेची कथा आहे.

ही बातमी पण वाचा : टीम इंडियाच्या या क्रिकेटर्सच्या पत्नी आहेत खूप यशस्वी, जाणून घ्या संपूर्ण माहिती

जरी सचिन आचरेकरांचा सर्वांत  आवडता विद्यार्थी होता. त्यांनी  सचिनला चापट मारल्याचीही एक घटना आहे. हा किस्सा आठवताना सचिन एकदा म्हणाला, “शाळा संपल्यानंतर मी माझ्या काकूंच्या घरी जेवणासाठी जात होतो. जेवण करून मी ग्राउंडवर परत जात होतो तेव्हा आचरेकर सर मला चौथ्या  क्रमांकावर फलंदाजी करवत होते. एके दिवशी खेळण्याऐवजी वानखेडे स्टेडियममध्ये हैरीस शिल्डचा  अंतिम सामना खेळाला जात होता.  त्यात शारदाश्रम इंग्लिश-मीडियमच्या मुलांचा खेळ पाहण्यासाठी मी एका
मित्राबरोबर उत्साहाने गेलो होतो.

तिथे मी आचरेकर सरांना पाहिले आणि त्यांना अभिवादन करायला गेलो. त्यांना माहीत होते की, मी त्या दिवशी सामना खेळायला नाही गेलो;  तरीही त्यांनी मला विचारले की, तू कसा खेळलास? मी त्यांना सांगितले, ‘मला वाटले माझ्या संघाला चीअर करण्यासाठी मी एक सामना नाही खेळलो तरी चालतं.’ हे ऐकून आचरेकर सर खूप रागावले आणि माझ्या गालावर एक झापड मारली.

त्यावेळी सरांनी मला सांगितले की, ‘तू  येथे इतरांचा उत्साह वाढवू नको. तर तू  अशा प्रकारे खेळ की इतरांना तुझ्या खेळण्याने आनंद होईल.’  त्या दिवसापासून मी कठोर सराव करण्यास सुरुवात केली. बरेच तास मैदानावर सराव करण्यात घालवले. त्या दिवशी सरांनी मला थापड मारली नसती तर मी आज स्टँडवर उभे राहून इतरांसाठी चीअर करत असतो.” सचिनने चापट खाणे आणि त्याचा खुलासा करणे हे आश्चर्य होते. चला क्रिकेटच्या आणखी काही खळबळजनक गोष्टी जाणून घेऊ या.

कपिल देव जेव्हा दाऊदला ड्रेसिंग रूममधून बाहेर पडण्यास सांगतो

kapil dev and dawood ibrahim

अंडरवर्ल्डचा राजा दाऊद इब्राहिमलाही भारतीय क्रिकेट ड्रेसिंग रूममध्ये प्रवेश मिळाला होता, याला आश्चर्य म्हणायला नको. दिलीप वेंगसरकर यांनी एकदा पत्रकार परिषदेत खुलासा केला की, शारजा येथे १९८६ च्या भारत-पाकिस्तान सामन्यादरम्यान दाऊद इब्राहिम भारतीय ड्रेसिंग रूममधे आला होता. पाकिस्तानला पराभूत करण्यासाठी दाऊदने प्रत्येक भारतीय खेळाडूला कार गिफ्ट करण्याचे आश्वासन दिले. बोलण्याची गरज नाही, कपिल त्याला म्हणाला, “चल बहार चल.”

जेव्हा जॉन राईटने सेहवागची कॉलर पकडली

भारतीय प्रशिक्षक जॉन राईट त्यांच्या कालावधीत नेहमी शांत आणि आदरणीय होते. पण अशी एक घटना घडली की, राईट यांचा संयम तुटला. २००२ च्या नेटवेस्ट ट्रॉफीदरम्यान सेहवागचा खेळ खराब होता आणि तो कमी धावा करून परत येत होता. राईट द्रविडला म्हणाले होते की, “जर सेहवाग आणखी एक वाईट फटकार खेळत बाद झाला तर मी आज त्याला सोडणार नाही.” त्या सामन्यादरम्यान सेहवागने बेपर्वा शॉट खेळला आणि तो बाद झाला. जेव्हा तो ड्रेसिंग रूममध्ये परतला तेव्हा राईट  यांनी  सेहवागची  कॉलर पकडली; पण सेहवागने त्यांच्या बोलण्याचे काहीच वाईट मानून घेतले नाही.


बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER