राष्ट्रवादीची वाटचाल योग्य मार्गाने, २०२४मध्ये मोठा पक्ष म्हणून उदयास येणार – शरद पवार

Sharad Pawar -Maharashtra Today

मुंबई : राष्ट्रवादी काँग्रेस पक्षाचा आज २२ वा वर्धापन दिन.(22nd anniversary of the Nationalist Congress Party) आज मुंबईतील राष्ट्रवादी प्रदेश कार्यालयात पक्षाध्यक्ष शरद पवार(Sharad Pawar) यांच्या प्रमुख उपस्थितीत वर्धापनदिन साजरा करण्यात आला. यावेळी ऑनलाईन आणि ऑफलाईन पद्धतीने मार्गदर्शन करताना शरद पवार यांनी राष्ट्रवादी पक्ष योग्य मार्गाने चालत असल्याचे म्हणत २०२४ मध्ये आपला पक्ष राष्ट्रीय पक्ष म्हणून उदयास येईल, असा विश्वास व्यक्त केला.

ते म्हणाले, अनेक नेत्यांनी पक्ष काढल्याचे आपण बघितले आहे. देशात अनेक पक्ष बनले, काही टिकले तर काही कधी गायब झाले कळलं नाही. राष्ट्रवादी योग्य दिशेने जात आहे. पक्षातून काही लोक गेले तर नवीन लोक तयार झाले. मात्र राष्ट्रवादीने २२ वर्षांपासून राज्याच्या राजकारणात आपली छाप कायम ठेवली आहे. राज्यात महाविकास आघाडीचा प्रयोग करून सत्ता स्थापन केली. आज राष्ट्रवादी पक्ष काम करणारा पक्ष म्हणून ओळखला जातो. राजकारणात सतत काम करत राहाणे गरजेचं आहे. सत्ता ही महत्त्वाची आहेच, लोकांचे प्रश्न सोडावण्यासाठी सत्ता गरजेची आहे. महाविकास आघाडी सरकार ५ वर्ष नुसतं टिकणार नाही तर लोकांसाठी कामही करणार आहे. तीन पक्षाच्या सरकारला लोकांनी स्विकारलं, लोकांच्या याच विश्वासावर हे सरकार उत्तम सुरु आहे, असेही पवार म्हणाले.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER

MT google button