जीएसटी मधून केंद्र सरकारचे उत्पन्न वाढले

GST collection

दिल्ली : फेब्रुवारी महिन्यात वस्तू व सेवा कर (जीएसटी) (GST) वसुलीने एक ट्रिलियन रुपयांचा टप्पा ओलांडला कोविड-१९ (COVID-19) या साथीनंतर सलग पाचव्या महिन्यात आणि सलग तिसर्‍यांदा १.१ ट्रिलियन रुपयांची वसुली केली, अशी माहिती सरकारने सोमवारी दिली. हे आर्थिक गाडा रुळावर येण्याचे संकेत आहेत.

फेब्रुवारीमध्ये जमा झालेला जीएसटी महसूल १.१३ ट्रिलियन रुपये होता, तो मागील वर्षीच्या याच महिन्याच्या तुलनेत ७ टक्क्यांनी वाढला. गेल्या पाच महिन्यांतील जीएसटीच्या उत्पन्नातील वसुलीच्या अनुषंगाने फेब्रुवारी २०२१ या महिन्यातील महसूल मागील वर्षातील याच महिन्यात जीएसटीच्या उत्पन्नाच्या तुलनेत ७ टक्क्यांनी जास्त आहे, असे सरकारने सांगितले.

एकूण जमा केंद्रीय जीएसटी (सीजीएसटी)त सुमारे २१,०९२ कोटी रुपये, राज्य जीएसटी (एसजीएसटी) २७,२७३ कोटी रुपये आहे. दरम्यान, एकात्मिक जीएसटी (आयजीएसटी) संकलन ५५,२५३ कोटी रुपये (वस्तूंच्या आयातीवर जमा झालेले २४,३८२ कोटी रुपये) आणि सेस ९,५२५ कोटी (वस्तूंच्या आयातीवर जमा झालेल्या ६६० कोटी रुपयांचा समावेश आहे) आहे.

सरकारने सीजीएसटीला २२, ३९८ कोटी रुपये आणि आयजीएसटीकडून १७.५३४ कोटी रुपये नियमित सेटलमेंट म्हणून घेतले आहेत. या व्यतिरिक्त, केंद्र व राज्ये आणि केंद्रशासीत प्रदेशांमधील ५०:५० च्या गुणोत्तरानुसार आयजीएसटीमध्ये तात्पुरता म्हणून केंद्रानेही ,४८,००० कोटी रुपयांचा तोडगा काढला आहे.

२०२१ फेब्रुवारीमध्ये नियमित तोडगा आणि तात्पुरता तोडगा काढल्यानंतर केंद्र व राज्यांचा एकूण महसूल सीजीएसटीसाठी ६७,४९० कोटी रुपये आणि एसजीएसटीसाठी ६८,८०७ कोटी रुपये आहे.

या महिन्यात वस्तूंच्या आयातीमधून मिळणारा महसूल १५ टक्क्यांनी जास्त होता तर देशांतर्गत व्यवहारातून (सेवांच्या आयातीसह) होणारा महसूल मागील वर्षात याच महिन्यात या स्त्रोतांकडून प्राप्त उत्पन्नाच्या ५ टक्के जास्त होता.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER