झालेला हल्ला म्हणजे शिवसैनिकांची संतप्त प्रतिक्रिया, संजय राऊतांचे अप्रत्यक्ष समर्थन

Sanjay Raut

मुंबई : महाराष्ट्रात कायद्याचे राज्य आहे. कायदा हातात घेणारे कोणीही असले तरी त्याची गय केली जाणार नाही, अशी भूमिका शिवसेनेने प्रसिद्ध केलेल्या एका निवदेनाद्वारे मांडली आहे. हे निवेदन संजय राऊत (Sanjay Raut) यांनी ट्विटरवर प्रसिद्ध केले आहे. हे कायद्याचे राज्य, कायदा हातात घेणाऱ्यांची गय केली जाणार नाही. अभिव्यक्ती स्वातंत्र्याच्या नावाखाली स्वैराचार झाला तर संयमाचा बांध फुटतो. हे कायद्याचे राज्य, कायदा हातात घेणाऱ्यांची गय केली जाणार नाही. हल्लेखोरांवर कारवाई केलीय. राजकीय भांडवल करू नये, असा सल्लाही संजय राऊत यांनी विरोधकांना दिला आहे.

आपल्या निवेदनात राऊत म्हणाले की, महाराष्ट्रात कायद्याचे राज्य आहे. कायदा हातात कोणीही घेऊ नका. ते खपवून घेतले जाणार नाही. हेच मुख्यमंत्री उद्धव ठाकरे (Uddhav Thackeray) यांचे धोरण आहे. मुंबईत काल एका माजी नौदल अधिकाऱ्यावर हल्ला झाला. त्या अधिकाऱ्याने राज्याच्या मुख्यमंत्र्यांबाबत प्रसारित केलेले व्यंगचित्र बदनामीकारक असले तरी त्याच्यावर झालेला हल्ला म्हणजे शिवसैनिकांची संतप्त आणि तितकीच उत्स्फूर्त प्रतिक्रिया होती, असे संजय राऊत यांनी म्हटले आहे.

हल्लेखोरांना तात्काळ अटक करुन त्यांच्यावर कायदेशीर कारवाई केली आहे. विरोधी पक्षाने या घ टनेचे राजकीय भांडवल करावे हे दुर्दैव आहे. संयम दोन्ही बाजूंनी पाळला गेला पाहिजे. पंतप्रधान, राष्ट्रपती, राज्यपाल, मुख्यमंत्री(CM) या घटनात्मक पदांबाबत टोकाची टीका करताना अभिव्यक्ती स्वातंत्र्याच्या नावाखाली स्वैराचार झाला तर लोकांच्या संयमाचा बांध तुटतो. म्हणून सगळ्यांनीच जबाबदारीने, एकमेकांचा आदर ठेवून वागण्याची ही वेळ आहे. समाजात अशांतता आणि तणाव निर्णाण होऊ न देणे हे सत्ताधाऱ्यांइतकेच विरोधकांचेही कर्तव्य आहे, असे राऊत यांनी ट्विट करताना म्हटले आहे.

ही बातमी पण वाचा :‘ठाकरे’ आणि ‘पवार’ हे दोनच महाराष्ट्राच्या स्वाभिमानाचा ब्रॅण्ड! – संजय राऊत

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER