विराट कोहलीच्या ट्विटवर सूर्यकुमार यादवने केली कमेंट, IPL दरम्यान झाले होते स्लेजिंग

Suryakumar Yadav & Virat Kohli

IPL २०२० मध्ये विराट कोहली सूर्यकुमारला स्लेजिंग करताना दिसला. याशिवाय उत्तम कामगिरी करूनही सूर्यकुमार यादवला ऑस्ट्रेलिया दौर्‍यापासून दूर ठेवण्याच्या प्रकरणाने खळबळ उडाली.

IPL २०२० मध्ये RCB आणि MI यांच्यात झालेल्या हाय-व्होल्टेज सामन्यात विराट कोहलीने (Virat Kohli) सूर्यकुमार यादवविरुद्ध नकारात्मक रणनीती वापरली. विराट बरेचदा सूर्यकुमारच्या जवळ येत असे आणि त्याच्याकडे टक लावून पाहायचा. पण सूर्यकुमारने  धैर्य गमावले नाही आणि त्याने RCB च्या कर्णधाराकडे दुर्लक्ष केले.

हा सामना जिंकताच सूर्यकुमारने कोहलीकडे पाहिले आणि विचारले, “सर्व ठीक आहे ना?” सूर्याच्या चाहत्यांना हे खूपच आवडले.  त्याचे कारण म्हणजे त्याने नकारात्मक हल्ल्याला सकारात्मक मार्गाने प्रतिसाद दिला.

जेव्हा ऑस्ट्रेलिया दौर्‍यासाठी वनडे, कसोटी आणि टी -२० संघांची निवड झाली तेव्हा उत्तम कामगिरी करूनही सूर्यकुमारचा कोणत्याही स्वरूपात समावेश झाला नाही. मात्र टीम इंडियाचे प्रशिक्षक रवी शास्त्री यांनी मुंबई इंडियन्सच्या या सलामीवीराची प्रशंसा करताना संयम बाळगण्याचा सल्ला दिला.

सोशल मीडियावर क्रिकेट चाहत्यांनी सूर्यकुमारची निवड न केल्याबद्दल विराट कोहलीला दोष दिला होता. आकाश चोप्रानेही निवडीपूर्वी सूर्यकुमारचे कौतुक केले आणि सांगितले की, भविष्यात तो टीम इंडियाच्या जर्सीमध्ये नक्कीच दिसणार आहे.

कर्णधार विराट कोहलीने ट्विटरवर एक व्हिडीओ पोस्ट केला आहे, ज्यामध्ये तो अनुभवी मोहम्मद शमी आणि युवा मोहम्मद सिराजच्या गोलंदाजीवर सराव करीत आहे. या व्हिडीओसह त्याने लिहिले आहे, ‘मला कसोटी क्रिकेट (सराव) सत्र आवडते. ’

त्याला उत्तर म्हणून सूर्यकुमार यादवने भारतीय कर्णधाराचे कौतुक केले आणि म्हणाला, “ऊर्जा, आवाज, प्रभुत्व पाहण्याची मी वाट पाहू शकत नाही.” यापूर्वीही सूर्याने विराटचे कौतुक केले होते, हे त्याच्या जुन्या ट्विटवरून स्पष्ट होते.

विशेष म्हणजे, एडिलेड ओव्हल येथे १७ डिसेंबरपासून खेळल्या जाणार्‍या सुरुवातीच्या कसोटी सामन्यानंतर विराट कोहली भारतात परत येईल. BCCI ने त्याला पितृत्व रजा दिली आहे.

ही बातमी पण वाचा : “या” माजी क्रिकेटपटूने CSK ला पैसे वाचविण्याचा दिला सल्ला, म्हणाला- ‘धोनीला संघातून मुक्त करा’

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER