‘मजबूत शिवसेना पक्षप्रमुख ते मजबूर मुख्यमंत्री, उद्धव ठाकरेंचा वर्षभराचा प्रवास’

Sudhir Mungantiwar - Uddhav Thackeray

मुंबई : पूजा चव्हाण (Pooja Chavan) आत्महत्या प्रकरणी वनमंत्री संजय राठोड (Sanjay Rathod) यांच्या अडचणी वाढणार की कमी होणार याबाबत उलट सुलट चर्चा सुरु आहेत. सध्या संजय राठोड मुख्यमंत्री उद्धव ठाकरे (CM Uddhav Thackeray) यांच्या भेटीला वर्षा निवासस्थानी गेले आहेत. दुसरीकडे भाजप (BJP) नेते संजय राठोड प्रकरणी आक्रमक झाले आहेत. भाजप (BJP) नेते सुधीर मुनगंटीवार (Sudhir Mungantiwar) आक्रमक झाले आहेत. मजबूत शिवसेना (Shiv Sena) पक्षप्रमुख ते मजबूर मुख्यमंत्री, उद्धव ठाकरेंचा (Uddhav Thackeray) वर्षभराचा प्रवास झालाय, अशी टीका मुनगंटीवारांनी केली आहे.

मुख्यमंत्री उद्धव ठाकरे यांच्याकडून ती अपेक्षा नव्हती. मजबूत शिवसेना पक्षप्रमुख ते मजबूर मुख्यमंत्री उद्धव ठाकरे असा वर्षभराचा प्रवास झाला आहे. एक मित्र म्हणून त्यांच्याबद्दल आमच्या मनात असलेला आदर कमी होणार आहे, असं सुधीर मुनंगटीवार म्हणाले. महाराष्ट्र पुरोगामी विचारावर पुढे जाणारं राज्य आहे. ऑडिओ क्लिप आहेत, त्यातील आवाज हुबेहुब आहे. खोट्या ऑडिओ क्लिप कोणी तयार करत असतील तर पोलीस विभागानं कारवाई केली पाहिजे. जे लोक ऑडिओ क्लिप तयार करतात, त्यांच्या मुसक्या आवळा. जे लोक क्लिप पसरवणारे पकडू शकत नाहीत ते लोक आतंकवादी, दहशतवादी पकडू शकतील का? 15 हजार कोटी रुपये आपण यासाठी खर्च करतो का? असा सवाल सुधीर मुनंगटीवार यांनी केला आहे. याप्रकरणामुळे राज्यात चुकीचा संदेश गेला आहे.

दरम्यान, अहमदाबादमधील सर्वात मोठ्या स्टेडियमला पंतप्रधान नरेंद्र मोदी यांचं नाव देण्यात आलं आहे. गृहनिर्माण मंत्री जितेंद्र आव्हाड यांनी पंतप्रधान नरेंद्र मोदी (PM Narendra Modi) यांच्यावर टीका करताना त्यांची तुलना थेट हिटलरशी केली आहे. “हिटलर सत्तेत आल्यानंतर त्याने देखील मोठे स्टेडियम बनवून त्याला स्वत:चं नाव दिलं होतं”, असा टोला आव्हाडांनी मोदींना लगावला आहे. तर, सुधीर मुनंगटीवार यांनी आव्हाड यांना प्रत्युत्तर देताना, यांची स्मरणशक्ती 24 तासाच्या वरती राहत नाही, नाव देण्याचा निर्णय गुजरात क्रिकेट असोसिएशननं केला. नरेंद्र मोदींनी केलेला नाही, असं म्हटलं.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER