शिवनेरीवर शिवजयंती साजरी करण्यासाठी शिवभक्तांची गर्दी

Chhatrapati Shivaji Maharaj Shivneri

मुंबई : राज्यभरात आज शिवजयंतीचा उत्साह पाहायला मिळत आहे. शिवनेरी गड जिथे छत्रपती शिवाजी महाराजांचा जन्म झाला. हजारो शिवप्रेमी, शिवभक्त गडावर शिवजयंती साजरी करण्यासाठी उपस्थित राहिले आहे. शिवनेरी गडावर शिवरायांचा जन्म झाला होता. त्यामुळे आज इथे शिवजन्माचा मोठा सोहळा साजरा केला जाणार आहे.

शिवेंद्रराजे भोसले यांची प्रकृती बिघडली; उपचारासाठी मुंबईला हलवलं

या सोहळ्याला मुख्यमंत्री उद्धव ठाकरे, उपमुख्यमंत्री अजित पवार, महसूलमंत्री बाळासाहेब थोरात, अन्न आणि नागरी पुरवठा मंत्री छगन भुजबळ, सार्वजनिक बांधकाम राज्यमंत्री दत्तात्रय भरणे, पर्यटन राज्यमंत्री आदिती तटकरे, खासदार डॉ. अमोल कोल्हे हजर राहणार आहेत.

शिवनेरी गडावर ‘१०१ शिवबा सलामी’ हा कार्यक्रम आयोजित करण्यात आलाय. यासाठी ५१ मुली आणि ढोल पथकातील ५० विद्यार्थी अशी १०१ मुलं रोमहर्षक संचलन आदिवासी नृत्याच्या माध्यमातून सादर करणार आहेत. मुख्यमंत्री उद्धव ठाकरेंच्या उपस्थितीत शिवनेरीवर विशेष कार्यक्रमाचे आयोजन करण्यात आले आहे. राज्याच्या कानाकोपऱ्यातून लाखो शिवभक्तांनी महाराजांची जन्मभूमी असलेल्या किल्ले शिवनेरीवर रात्रीपासूनच गर्दी उसळी आहे .