पवार साहेब माझ्यासाठी आदरणीय, मात्र रोहित पवारांना याचा त्रास झाला – निलेश राणे

Sharad Pawar & Nilesh Rane

मुंबई : ठाकरे सरकारच्या विरोधात भाजपने आज पुकारलेल्या माझं अंगण, माझं रणांगण, महाराष्ट्र वाचवा या आंदोलनात आमदार नितेश राणे आणि माजी खासदार निलेश राणे यांनीही सहभाग नोंदवला. यावेळी नितेश आणि निलेश राणेंनी ठाकरे सरकारवर हल्ला चढवला.

निलेश राणे यांनी राष्ट्रवादी काँग्रेसचे आमदार रोहित पवार यांच्याविरोधात सुरु असलेल्या ट्विटरवॉरवरून पुन्हा एकदा भाष्य केलं. “मुंबईतले ठाकरे-फाकरे काही करु शकले नाहीत, तर नगरच्या कोपऱ्यात बसून माझं काय करणार आहे. आमच्या नादी लागू नका, हे घरी बसून फक्त फेसबुक लाईव्ह करु शकतात”, असा हल्लाबोल निलेश राणे यांनी केला. टीव्ही ९ या मराठी वृत्तवाहिनीने याबाबतची बातमी प्रकाशित केली आहे. शिवसेना केवळ हॅशटॅग आंदोलन करु शकते. कारण ते बोटे दाबण्यात हुशार आहे. लोक शिव्या घालत आहेत. हॅशटॅग करुन लोकांची मने जिंकता येत नाहीत, असं निलेश राणे म्हणाले.

यावेळी निलेश राणे यांनी राष्ट्रवादीचे आमदार रोहित पवार यांच्यासोबत सुरु असलेल्या ट्विटरवॉर बद्दलही भाष्य केलं. हे ट्विटर वॉर थांबवायचे की नाही त्यांचा विषय आहे. मी केवळ साखरेबद्दल बोललो, मी पवार साहेबांचे नाव देखील घेतले नव्हते. ते माझ्यासाठी आदरणीय आहेत आणि राहतील. पण माझा प्रश्न साखर उद्योगावर करोडो रुपये उडवले गेले त्याचा रिस्पॉन्स काय? साखर उद्योगावरचा नफा-तोटा महाराष्ट्राने कधी विचारायचा नाही? त्याचा परिणाम महाराष्ट्राच्या अर्थकारणावर किती होतो हे विचारायचे नाही? आणि हे विचारलं तर त्या रोहित पवारला त्रास झाला? कारण तो स्वतः एक- दोन कारखाने चालवतो. आयते पैसे मिळतात. ते कुणाला कळायला नको म्हणून त्याने सुरुवात केली, मी नाही केली, असं निलेश राणे म्हणाले.

मला वैयक्तिक दुष्मनी करण्यात रस नाही. आणि त्याची तेवढी कुवतही नाही. विषय होता साखरेचा. या उद्योगाचा महाराष्ट्राला किती फायदा झाला? आधी त्यांनी भाषा काय वापरली ते बघा! आमच्या नादी लागू नका नाही तर अजून फाडून खाईन. मुंबईतले ठाकरे-फाकरे काही करु शकले नाहीत, तर नगरच्या कोपऱ्यात बसून माझं काय करणार आहे. आमच्या नादी लागू नका, हे घरी बसून फक्त फेसबुक लाईव्ह करु शकतात, असा हल्लाबोल निलेश राणे यांनी केला.

ज्या शब्दात मला बोलले त्या शब्दात त्यांना सुनावणे हे माझं काम आहे आणि मी ते करणार. कुठे तरी माझ्याविरोधात तक्रार केली आहे. पण मला अजून कुठली नोटीस आलेली नाही, असं स्पष्टीकरण निलेश राणे यांनी दिलं.

नितेश राणे यांचं टीकास्त्र

यावेळी नितेश राणे म्हणाले की, आज सरकार कुठेच दिसत नाही. त्यामुळे आम्हाला आंदोलन करणं भाग होते, कारण कोरोनाबाधित रुग्णांची संख्या वाढतेय. सरकारच यावर नियंत्रण नाही. मुख्यमंत्री फेसबुक लाईव्ह सोडून कुठे दिसत नाहीत. अन्य राज्यांचे मुख्यमंत्री हॉस्पिटल, आयसोलेशन वॉर्ड येथे जाऊन परिस्थितीची पाहणी करताना दिसतात. कोरोना संकटानंतर पुढे आर्थिक संकट आहे. आपला महाराष्ट्र दिशाहीन आहे. महाराष्ट्रातला प्रत्येक घटक घाबरल्या परिस्थितीत आहे. म्हणून लोकांना कळण्यासाठी हे आंदोलन आहे”.

रुग्ण वाढत आहेत, पण आकडे लपवले जात आहेत. मुख्यमंत्री क्वारंटाईन आणि जनता व्हेंटिलेटरवर आहे. रुग्णांना बेड नाही. खासगी हॉस्पिटल लूट करीत आहेत. सरकार फसवत आहे. त्यामुळे आंदोलन करण्याशिवाय पर्याय नाही. आम्ही आज आमच्या अंगणात उभे राहून सर्वसामान्यांचा आवाज नोंदवत आहोत, असंही नितेश राणे म्हणाले.

दरम्यान, पालघर येथे साधूंच्या हत्येनंतर शिवसेनेला भगवा रंग लावण्याचा अधिकार राहिला आहे का? असा प्रश्न उपिस्थत करत संजय राऊत म्हणतात राम मंदिर विषय हा बाजूला ठेवा. त्यामुळे शिवसेनेने आपला आत्मा विकून सरकारमध्ये बसले आहेत. पहिल्यापासून विरोधी पक्ष भाजपने सरकारला मदत करण्याची भूमिका घेतली, सूचना दिल्या. पण ६० दिवस सुधारले नाहीत. मुख्यमंत्र्यांनी आपली आमदारकी मिळवण्यासाठी जो वेळ घालवला तो प्रादुर्भाव रोखण्यासाठी घालवला असता तर हे आंदोलन आम्हाला करण्याची वेळ आली नसती, असंही नितेश राणेया वेळी म्हणाले.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER