केएल राहुल जवळ ऑरेंज कॅप, शमीने राखून ठेवली पर्पल कॅप

Shami-KL Rahul

किंग्ज इलेव्हन पंजाबचा (KXIP ) कर्णधार लोकेश राहुल (KL Rahul) आणि वेगवान गोलंदाज मोहम्मद शमी (Mohammed Shamin) यांच्याकडे अनुक्रमे ऑरेंज कॅप (Orange Cap) आणि पर्पल कॅप (Purple Cap) आहे. राहुलने चेन्नई सुपर किंग्जच्या फाफ डु प्लेसिसकडून ऑरेंज कॅप घेतली तर शमीने पर्पल कॅप दिल्ली कॅपिटल्सच्या कगिसो रबाडाकडून मिळवली.

लीगमध्ये सर्वाधिक धावा करणाऱ्या फलंदाजाला ऑरेंज कॅप दिले जाते, तर पर्पल कॅप सर्वाधिक विकेट घेणार्‍या गोलंदाजाला दिले जाते. लीगमध्ये सर्वाधिक धावा करणारा फलंदाजांच्या यादीत राहुल पहिल्या स्थानावर आहे. त्याने तीन सामन्यांत २२२ धावा केल्या आहेत.

राहुलच्यामागे राजस्थानविरुद्ध शतक झळकावणारा स्वत:च्या टीमचा मयंक अग्रवाल आहे. मयंक राहुलच्या मागे फक्त एक धाव मागे आहे. तिसर्‍या क्रमांकावर ड्यू प्लेसिस आहे, ज्याने तीन सामन्यात १७३ धावा केल्या आहेत.

गोलंदाजांमध्ये शमी तीन सामन्यांमध्ये सात बळी मिळवून प्रथम स्थानावर आहे. दुसर्‍या स्थानावर कगिसो रबाडा आहे, ज्याने दोन सामन्यांत पाच बळी मिळवले आहेत. चेन्नईचा सैम कुरेन तीन सामन्यांमध्ये पाच बळी घेऊन तिसऱ्या क्रमांकावर आहे. टीम टेबलमध्ये श्रेयस अय्यरच्या नेतृत्वात दिल्ली कॅपिटलस दोन्ही सामने जिंकून चार गुणांसह पहिल्या क्रमांकावर आहे. राजस्थान रॉयल्स दुसर्‍या आणि बेंगळुरू इतक्याच सामन्यांमध्ये सारख्या गुणांसह तिसर्‍या स्थानावर आहे.

ही बातमी पण वाचा : आयपीएलमध्ये 99 वर नाबाद दोन आणि बाद तीन

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER