बीड-माजलगाव-परभणी महामार्गावरील अपघातात एकाच कुटुंबातील 4 ठार

majalgaon-accident

माजलगाव: बीड-माजलगाव-परभणी राज्य महामार्गावर साखरेचे पोते भरलेला ट्रक उलटल्याने दोन मोटरसायकलस्वार ट्रक आणि साखरेच्या पोत्यांखाली दबल्या गेले. परिणामी एकाच कुटुंबातील चौघांचा आज मृत्यू झाला. हा अपघात महामार्गावरील पवारवाडीजवळील गॅस गोडाऊनसमोर झाला. या अपघातात एक गंभीर जखमी झाला आहे.

मिळालेली माहिती अशी की, साखरच्या पोते भरलेला ट्रक माजलगाव तालुक्यातील सावरगाव येथील छत्रपती साखर कारखान्यातून दुपारी 12 वाजून 35 मिनिटांला निघाला. पवारवाडीजवळील गॅस गोडाऊनसमोर ट्रक रस्त्यावर पलटी झाला. समोरून येणारे दोन मोटरसायकल ट्रकआणि साखरेच्या पोत्यांखाली दबल्या गेल्या. यात एकाच कुटुंबातील चौघांचा जागेवरच मृत्यू झाला तर एक जखमी झाला आहे. त्याचा तातडीने हॉस्पिटलमध्ये हलविण्यात आले आहे.
माजलगाव तालुक्यातील गंगामसला येथील सोळंके कुटुंबातील चौघांचा या अपघातात मृत्यू झाला आहे. दयानंद गणेश सोळंके (48), संगीता दयानंद सोळंके (42), राजनंदनी दयानंद सोळंके (12), प्रतिक दयानंद सोळंके(9) असे मृतांची नावे आहेत. बब्बू असे जखमी तरुणाचे नाव आहे. तो गॅरेज मॅकॅनिक आहे.

गंगामसला येथील गणरायाच्या ते दर्शनासाठी सहकुटुंब गेले होते. दयानंद सोळंके हे एचडीएफसी बॅंकेत सेक्युरिटी गार्ड होते. गणरायाचे दर्शन घेऊन ते परतत असताना हा भीषण अपघात झाला.