भारताचा माजी कर्णधार आणि विद्यमान BCCI अध्यक्ष सौरव गांगुलीला (Saurav Ganguly) वुडलँड रुग्णालयात (Woodland Hospital) दाखल करण्यात आले आहे. मात्र, आता बातमी आली आहे की गांगुली धोक्याच्या बाहेर आहे.
भारतीय क्रिकेट संघाचा माजी कर्णधार आणि विद्यमान BCCI अध्यक्ष सौरव गांगुलीला छातीत दुखल्यामुळे वुडलँड रुग्णालयात दाखल करण्यात आले आहे. गांगुलीची प्रकृती स्थिर असून तो आता धोक्याच्या बाहेर आहे, अशी माहिती त्याच्या कुटुंबियांच्या जवळच्या एका सूत्रांनी दिली आहे. सूत्रांनी दिलेल्या माहितीनुसार, गांगुली आपल्या होम जिममध्ये व्यायाम करत होता आणि त्यावेळी त्याला चक्कर आली व त्यानंतर ब्लॅकआऊट झाल्याची तक्रार केली. त्याने आपल्या फॅमिली डॉक्टरला बोलावले ज्याने त्याला तातडीने रुग्णालयात दाखल करण्याचा सल्ला दिला.
BCCI President Sourav Ganguly admitted to Woodland Hospital in Kolkata, West Bengal. More details awaited.
(file photo) pic.twitter.com/ps3mtE8tPJ
— ANI (@ANI) January 2, 2021
रुग्णालयात आणल्यानंतर त्याची ECG चाचणी घेण्यात आल्याचे सूत्रांनी सांगितले. तो आता तंदुरुस्त आहे आणि धोक्याच्या बाहेर आहे. त्याला एंजिओप्लास्टीची आवश्यकता असू शकते. ट्रोपोनिन टी चाचणी देखील केली जाईल ज्यामुळे छातीत वेदना होण्याचे कारण कळेल.
शहरातील SSKM रूग्णालयात प्राध्यापक असलेले डॉ. सरोज मोंडल गांगुलीची काळजी घेण्यासाठी वुडलँड रुग्णालयात गेले आहेत आणि त्यांची देखरेख करत असल्याचे वृत्त आहे.
पश्चिम बंगालच्या CM ममता बॅनर्जीने ट्वीट केले आहे की, ‘सौरव गांगुलीबद्दल ऐकून वाईट वाटले की त्याला ह्रदयाचे सौम्य अटक झाले आहे. माझ्या प्रार्थना त्याच्या आणि त्याच्या कुटुंबासमवेत आहेत.’
Sad to hear that @SGanguly99 suffered a mild cardiac arrest and has been admitted to hospital.
Wishing him a speedy and full recovery. My thoughts and prayers are with him and his family!
— Mamata Banerjee (@MamataOfficial) January 2, 2021
मिळालेल्या माहितीनुसार सौरव गांगुली जेव्हा व्यायामशाळेत जात होता तेव्हा त्याला चक्कर येत होती, त्यानंतर त्याला काही चाचण्यांसाठी रुग्णालयात दाखल करण्यात आले. सौरव गांगुलीने कारकीर्दीत ११३ कसोटी सामने, ३११ वन डे आंतरराष्ट्रीय सामने खेळले आहेत. एकदिवसीय सामन्यात त्याने ११,३६३ धावा केल्या आहेत आणि कसोटी कारकीर्दीत एकूण ७,२१२ धावा आहेत. इतकेच नाही तर त्याने वन डे क्रिकेटमध्ये १०० बळीही घेतले आहेत ज्यात २ वेळा ५ बळींचा समावेश आहे.
ही बातमी पण वाचा : क्रिकेटर सौरव गांगुलीला ह्रदयविकाराचा सौम्य झटका
बातम्यांच्या अपडेटसाठी लाईक करा आमच्या फेसबुक पेजला
