सचिन सावंत यांनी निजामाची स्तुती केल्याने नेटीजन्स काँग्रेसवर भडकले

Sachin Sawant

मुंबई : उस्मानाबादचे धाराशिव नामांतर करण्यास काँग्रेसने विरोध केला आहे. मात्र, हा विरोध करताना काँग्रेस नेते सचिन सावंत यांनी निजामांचा उदोउदो केला आहे. त्यामुळे नेटकऱ्यांनी काँग्रेसवर टीकेची झोड उठवली आहे. काँग्रेस निजामांच्या अत्याचाराचं समर्थन करत आहे का? असा सवाल नेटकऱ्यांनी केला आहे. शिवाय सावंतच्या या ट्विटरून मराठवाड्यातील लोकांनी तीव्र संताप व्यक्त केला आहे. (congress praises nizam, people trolling)

मुख्यमंत्र्यांचे ट्विट

मुख्यमंत्री उद्वव ठाकरे यांनी त्यांच्या ट्विटर हँडलवरून आधी औरंगाबादचा उल्लेख संभाजीनगर असा केला होता. त्यावर काँग्रेसने आक्षेप घेतला होता. या मुद्द्यावरून शिवेसनेनेही काँग्रेसवर टीका केली होती. मुख्यमंत्री उद्धव ठाकरे यांनी औरंगजेब धर्मनिरपेक्ष नव्हता या शब्दात काँग्रेसला सुनावले होते. हा वाद थांबत नाही तोच दोन दिवसांपूर्वी मुख्यमंत्र्यांनी उस्मानाबादचा उल्लेख धाराशिव केला आहे. त्याला उत्तर देताना काँग्रेस नेते सचिन सावंत यांची कोंडी झाली आहे.

सावंतांचे ट्विट

सावंतांनी उस्माबादच्या नामांतरावर पक्षाची भूमिका मांडली. ‘उस्मानाबाद हे‌ नाव ७ वे निजाम नवाब मीर उस्मान अली खान बहादुर यांच्या नावावरून पडले. या निजामांनी आपली १४००० एकर जमीन आचार्य विनोबा भावे यांच्या भूदान चळवळीला दान केली. जी सामान्य गोरगरीबांच्या नावे करण्यात आली. तसेच १९६५ च्या भारत पाकिस्तान युद्धासाठी नॅशनल डिफेन्स फंडासाठी ५ टन सोने (ज्याची आजची किंमत ₹१६०० कोटी आहे) दान केले. हे जगाच्या इतिहासातील आजवरचे सर्वात मोठे दान आहे. अनेक इस्पितळे, विद्यापीठ, धरणे, रस्ते त्यांच्या दानातून उभे राहिले. शिवाजी विद्यापीठालाही त्यांची मदत झाली. इतिहास व ऐतिहासिक व्यक्तिमत्त्व काळा पांढरा रंगात नसतात. परंतु, ध्रुवीकरणाचे राजकारण समाजावर दूरगामी दुष्परिणाम करत असते एवढं मात्र नक्की! असे ट्विट सावंत यांनी केले.

इतिहास

उस्मानाबादचे मूळ नाव धाराशिवच होते. उस्मानाबादचे धाराशिव हे सांस्कृतिक नाव आहे. त्यामुळे निजामांचं कौतुक करणे काँग्रेसला अडचणीचे ठरू शकते. औरंगाबादचे ‘संभाजीनगर’ करणे आणि उस्मानाबादचे ‘धाराशिव’ करणे हे दोन वेगळे मुद्दे आहेत, असे जाणकारांनी म्हटले आहे. एदलाबादचे ‘मुक्ताईनगर’ करण्यात आले. अंबेजोगाईचे ‘मोमिनाबाद’ आणि पुन्हा अंबेजोगाई करण्यात आले. कुलाबा, मुक्ताई नगर आणि अंबेजोगाई ही नावे काँग्रेसनेच बदलली. याकडेही जाणकारांनी लक्ष वेधले आहे.

नेटवर ट्रोल

एका नेटकऱ्यांने – चुकीची माहिती पसरवू नका, असे बजावले. निजामांने जमीन आणि पैसा कुठून आणला? अफगाणिस्तानातून की सौदीतून? असा सवाल दुसऱ्या नेटकऱ्याने केला आहे. तुम्हाला मराठवाडा मुक्तीसंग्रमाचा लढा माहीत आहे का? निजामाने हिंदूंवर केलेले अत्याचार माहीत आहेत का?, असा सवाल काही नेटकऱ्यांनी केला आहे. एकाने तर धाराशिवचे उस्मानाबाद हे नाव कुणी व का बदलले? असा सवाल केला आहे!

एका नेटकऱ्याने सावंतांचा दावा फेटाळून लावला आहे. निजामाकडे ५ हजार किलो नाही तर ४२५ किलो सोने होते. हे सर्व लुटलेले होते. शिवाय निजामाने हे सोने दान केले नव्हते तर ६.५ टक्के व्याजाने दिले होते, असा दावा केला आहे.

जमीन दिली म्हणून गौरव करायचा का?

उस्मानाबादच्या नामांतरावरून सुरू असलेल्या वादावर मराठावाड्यातील विचारवंत प्रा. डॉ. जी. के. डोंगरगावकर यांनी संताप व्यक्त केला आहे. हे सर्व विषय कालबाह्य आहेत. या भूतकालीन घटना उकरून काढने म्हणजे मराठवाड्यातील समाजिक सलोखा बिघडवण्यास आवतन देण्यासारखे आहे. कायदा आणि सुव्यवस्था राखण्याचे काम ज्यांच्या हाती आहे, त्यांनी हे मुद्दे उकरून काढने योग्य नाही, असे गतानाच केवळ जमीन दिली म्हणून एखाद्याचा गौरव करायचा का? निजाम जुलमी होता म्हणूनच मराठवाड्यातील लोक लढले ना? असा सवाल डॉ. जी. के. डोंगरगावकर यांनी केला आहे. (congress praises nizam, people trolling)

पोलीस अॅक्शन चूक होती का?

निजमाच्या अत्याचाराविरोधात मराठवाड्यातील जनता रस्त्यावर उतरली होती. स्वामी रामानंदतीर्थ यांच्या नेतृत्वात हा लढा उभारला गेला होता. निजाम अन्यायी असल्यानेच लोक रस्त्यावर उतरले, असे सांगतानाच निजाम चांगला होता तर त्यावेळी करण्यात आलेली पोलिस अॅक्शन चुकीची होती का? असा सवालही डोंगरगावकर यांनी केला. मराठवाड्यातील विद्यापीठे, गाव, शहरांची नावे बदलण्याचा मुद्दा पुढे रेटून मराठवाड्यातील समाजिक सलोखा बिघडवू नये, मराठवाड्यात अशा मुद्दयांनी दंगे भडकवू नये, असे सांगतानाच अहमदनगरच्या नामांतराचा मुद्दा का छेडला जात नाही? असा सवालही त्यांनी केला. (congress praises nizam, people trolling)

 

 

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER