नात्यातील हरवलेल्या रोमान्ससाठी ह्या गोष्टी करा..

Relation

प्रेम हा कुणालाही सुखावणाराच अनुभव असतो. प्रेमात पडलेला माणूस क्षणाक्षणाला त्या व्यक्तीचा विचार करत असतो. पार्टनरने केलेली प्रत्येक गोष्ट तुम्हाला चांगली वाटायला लागते. पण सुरुवातीला प्रेमात असलेला रोमांच हळूहळू वेगवेगळ्या कारणांनी कमी होऊ लागतो. हे केवळ तुमच्यासोबत होतं असं नाही आणि त्यावर कोणताही उपाय नाही असे ही नाही. या साठी  काही खास गोष्टी केल्यास तुमच्या नात्यातील कमी झालेला रोमान्स परत मिळवता येईल.

  • जर तुम्हाला तुम्ही पहिल्यांदा कुठे भेटलात हे आठवत असेल, ती जागा आठवत असेल तर दोघेही कामातून वेळ काढून त्या ठिकाणाला भेट द्या. पुन्हा एकदा त्या ठिकाणी जाऊन जुन्या आठवणी ताज्या करा. याने तुम्हा दोघांनाही चांगलं वाटेल.
  • तुमच्या नात्यात तुम्हाला पुन्हा आधीसारखा रोमान्स हवा असेल तर मोबाईल जरा दूर ठेवा. त्यासोबतच मोबाईवर पार्टनरला काही मुर्खासारखे प्रश्न विचारणे थांबवा. पार्टनरसोबत मिळून एखादं काम करा. सतत पार्टनरच्या आजूबाजूला राहण्याचा प्रयत्न करा. याने तुम्हाला नक्की फायदा होईल.
  • नात्यात आधीसारखाच उत्साह हवा असेल तर पार्टनरला सरप्राईज देणे विसरु नका. पार्टनरला गिफ्ट द्या. ती तुमच्यासाठी किती आणि कशी स्पेशल आहे हे तिला कळू द्या. तिला न सांगता तिच्यासोबत एखादी सरप्राईज पिकनिक प्लॅन करा.
  • दररोज एकसारखं काम केल्याने कुणालाही कंटाळा येईल. त्यामुळे तुमचं लाईफही बोरींग होणार. अशात तुमच्या पार्टनरसोबत वेगळं काही करण्याचा प्रयत्न करा. पार्टनरसोबत ट्रेकिंग, बंजी जम्पिंगसारख्या गोष्टी करा. असे केल्याने नात्यातील कमी झालेला प्रेमाचा ओलावा पुन्हा भरून येईल.
  • कामाचं टेंशन कधीही घरी घेऊन जाऊ नका. बाहेरच्या गोष्टींचा राग घरी पार्टनरवर काढण्याचं सोडा. याने तुमचं नातं अधिक चांगलं होईल. बारीकसारीक गोष्टींवरुन भांडणं सोडा. या गोष्टींची काळजी घेतल्यास तुमच्या नात्यात नवा रोमान्स येईल.