‘नशीबवान’ सामान्य व्यक्तीच्या आयुष्यतील बदल दर्शविणारा सिनेमा

Nashibvaan-Marathi-Movie

मुंबई :- देवाने आपल्यावर कृपादृष्टी ठेवावी, आपल्याला कधीच कोणत्या गोष्टीची कमतरता पडू नये असे प्रत्येकजण देवाकडे मागत असतो. पण सगळ्यांचे हे स्वप्न पूर्ण होत नाही. मात्र देव प्रसन्न झाला आणि अचानक लॉटरी लागली की त्या व्यक्तीच्या जीवनात काय-काय घडते हे आपण बॉलिवूडच्या ‘हेरा फेरी’ या हिंदी चित्रपटात बघितले आहे. अशाच आशयाचा मराठीत आज प्रदर्शित झालेला सिनेमा ‘नशीबवान’चे कथानक आहे. ‘देने वाला जब भी देता… देता छप्पर फाड के’.. हे हेरा फेरी या चित्रपटातील गाणे ‘नशीबवान’ हा चित्रपट पाहताना आवर्जून आठवते.

‘नशीबवान’ हा चित्रपट प्रसिद्ध हिंदी साहित्यिक उदय प्रकाश यांच्या ‘दिल्ली की दिवार’ या कथेवर आधारित आहे. या चित्रपटात पुस्तकाप्रमाणेच कथा तंतोतंत मांडण्यात आली आहे. पण दिग्दर्शनामध्ये काही उणिवा जाणवतात. मध्यंतरापर्यंत चित्रपट खूपच संथ आहे. चित्रपटात काही घडतेय असे वाटतच नाही. तसेच चित्रपटाचा काळ कोणता आहे हे दाखवण्यात दिग्दर्शक अपयशी ठरला आहे. पाचशे आणि हजारच्या जुन्या नोटा पाहून हा काळ जुना असल्याचे नक्कीच जाणवते. पण चित्रपटाच्या शेवटपर्यंत कुठेच काळ कोणता आहे याचा संदर्भ देण्यात आलेला नाही. चित्रपटात भाऊ कदम, त्याच्या पत्नीच्या भूमिकेत असलेली मिताली जगताप आणि त्याच्या सोबत काम करणारी नेहा जोशी यांनी चित्रपटात उत्कृष्ट अभिनय केला आहे.

‘नशीबवान’चे कथानक असे आहे. बबन (भाऊ कदम) महानगर पालिकेत सफाई कामगाराचे काम करत असतो. त्याची आर्थिक परिस्थिती अतिशय बिकट असते. एकदम छोट्या घरात तो आपल्या पत्नी आणि मुलांसोबत राहत असतो. त्याने एका पत संस्थेतून कर्ज घेतलेले असते आणि त्याचे हफ्ते देखील थकलेले असतात. तुटपुंज्या पगारात संसाराचा गाढा कसा रेटायचा असा त्याच्या समोर यक्ष प्रश्न असतो. एकदा एका ठिकाणी साफसफाई करताना त्याच्या हातातील झाडू अडकतो आणि तुटतो. त्यामुळे त्या झाडूला बांधून सरळ करण्यासाठी तो एका भिंतीवर आपटतो. त्यावेळी त्याच्या लक्षात येते की त्या भिंतीला एक छिद्र असून त्यात भरपूर पैसे आहेत. हे पैसे पाहिल्यानंतर त्याची नियत बदलते आणि त्यानंतर त्याच्या आयुष्याला कशाप्रकारे वळण मिळते हे आपल्याला ‘नशीबवान’ या चित्रपटात प्रेक्षकांना पाहायला मिळते.

प्रत्येक गरीब व्यक्ती जो धनाड्य होण्याची मनःशा आहे. आहे सर्वानी हा चित्रपट पाहावा आणि स्वप्न साध्य करण्यासाठी प्रयत्न करावे.