‘अम्फान’मुळे मान्सूनला होणार उशीर

Ampan Monsoon Delay

दिल्ली :- आधीच्या अंदाजानुसार मान्सून १ जून रोजी केरळमध्ये प्रवेश करण्याची शक्यता होती. पण ‘अम्फान’ चक्रीवादळामुळे हवेचे प्रवाह बदलल्याने मान्सून ५ जूनपर्यंत केरळमध्ये पोहचण्याची शक्यता आहे, असे भारतीय हवामान विभागाने म्हटले आहे.

भारतीय हवामान विभागाचे प्रमुख मृत्युंजय मोहापात्रा मान्सूनच्या आगमनाबाबत माहिती देताना म्हणाले की – “मान्सून केरळच्या किनारपट्टीवर १ जून रोजी दाखल होणार होता. मात्र, अम्फान चक्रीवादळामुळे मान्सूनच्या गतीवर परिणाम झाला आहे. आता १ जूनऐवजी ५ जून रोजी मान्सून केरळच्या किनारपट्टीवर पोहचेल.

बंगालच्या उपसागरात निर्माण झालेल्या महाचक्रीवादळामुळे मान्सूनसाठी लागणाऱ्या अनुकूल परिस्थितीवर परिणाम झाला आहे. त्यामुळे ५ जूनपर्यंत मान्सून केरळच्या किनारपट्टीवर दाखल होईल, असा अंदाज हवामान विभागाचा आहे. अम्फानमुळे देशातील वातावरणावर चांगले आणि वाईट असे दोन्ही परिणाम झाले आहेत.”


बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER