आवाजाचे जादूगार जगजितसिंग; लता मंगेशकर यांनी सुद्धा तिकीट काढून ऐकले होते लाईव्ह कॉन्सर्ट

Jagjit Singh and Lata Mangeshkar .jpg

आज (१० ऑक्टोबर) जगजित सिंग यांची पुण्यतिथी आहे ज्यांनी आपल्या आवाजाने जादू केली. जगजितसिंग आज या जगात आपल्यात नाही, परंतु त्यांची गझलच्या रूपात ते नेहमीच आपल्यामध्ये उपस्थित राहतील. जगजितसिंग यांच्या मखमली आवाजाचे बरेच चाहते होते. पण एक व्यक्ती अशीही होती की, स्वत: स्वर कोकिळा असूनही त्यांनी जगजितसिंग यांच्या आवाजाचे कौतुक केले. हे व्यक्तिमत्व लता मंगेशकर आहेत. जगजितसिंग यांचा लाईव्ह कॉन्सर्ट ऐकण्यासाठी लता मंगेशकर यांनी तिकीट विकत घेतले होते.

स्वत: लता मंगेशकर यांनी एका मुलाखतीच्या वेळी सांगितले होते. जगजितसिंग यांच्या आवाजावर प्रेम असल्याचे त्यांनी म्हटले होते. त्या त्यांच्या आवाज ऐकायला त्यांच्या लाईव्ह कॉन्सर्ट मध्ये जायच्या. लता मंगेशकर म्हणतात, “मला त्यांची बर्‍याच गझल आवडतात पण सर्वात आवडलेली त्यांची पहिली गझल आहे, ‘सरकती जाए है रुख से नकब अहिस्ता अहिस्ता’. जेव्हा जेव्हा मला गझल ऐकायची असते तेव्हा मी त्यांची गझल ऐकते. “

आपले बोलणे संपवताना लताजींनी एकदा जगजितसिंग यांच्या लाईव्ह कॉन्सर्टचे तिकीट कसे घेतले ते सांगितले होते. लता म्हणालय, ‘मी जगजितसिंग जींचा कार्यक्रम बर्‍याच वेळा ऐकला आहे. एकदा मला कळले की जगजितसिंगजींचा कार्यक्रम आहे, मी लगेचच तिकीट विकत घेतले आणि त्यांना ऐकले, ते खूप चांगले गायचे.

जगजितसिंग यांच्या गायनाबद्दल बोलताना लता मंगेशकर म्हणाल्या होत्या, ‘जगजितसिंगांनी गायलेल्या गझल लोकांना नेहमीच आठवतील. नवीन गायकांमध्ये गझल गाण्याचे स्थान नाही. जगजितसिंग जींची शैली, त्यांची गायकी, गझल या सर्व गोष्टी संपल्या. ‘

जगजितसिंग यांना सप्टेंबर २०११ मध्ये ब्रेन हॅमरेज झाले होते. त्यानंतर त्यांना उपचारासाठी रुग्णालयात दाखल करण्यात आले. १० ऑक्टोबर २०११ रोजी अनेक दिवस उपचारानंतर त्यांचे निधन झाले. आजही जगजितसिंग यांच्या चाहत्यांची कमी नाही.

बातम्यांच्या अपडेटसाठी लाईक करा आमच्या फेसबुक पेजलाMT LIKE OUR PAGE FOOTER