प्रोफाईल फोटो कसा असावा ? जाणून घ्या

profile photo

सोशल मीडियावर प्रत्येकजण आपला फोटो प्रोफाईलमध्ये अपलोड करत असतात. अपलोड केलेला हा प्रोफाईल फोटो आपल्याबद्दल बरंच काही सांगत असतो. सोशल मीडियावर तुमच्याशी संवाद करणाऱ्या व्यक्तीसमोर तुमचा हाच प्रोफाईल फोटो असतो. अशा वेळी हा फोटो चांगला असेल, तर आपला प्रभावही चांगला पडतो. परंतु, हा प्रोफाईल फोटो नेमका कसा असावा, ते जाणून घ्या..

चेहरा समोरच्या बाजूस असावा: प्रोफाईल फोटोमध्ये तुमचा स्वतःचा सुंदर हसरा चेहरा असावा. शक्यतो आपल्या प्रोफाईल फोटोमध्ये ग्रुपचा फोटो ठेवू नका. तसेच पाळीव प्राण्यासोबतचा फोटोही प्रोफाईल फोटो म्हणून ठेवू नका.

शांत उजेडातील फोटो: प्रोफाईलसाठी फोटो काढताना शांत उजेड असावा. यामुळे फोटोत सावली पडल्याचे दिसून येत नाही. फोटोमध्ये तुमचा चेहरा स्पष्ट दिसणे आवश्यक आहे. पाहणार्‍याला तुमच्या चेहर्‍याची वैशिष्ट्ये समजली पाहिजेत. चांगल्या उजेडात काढलेला फोटो नक्कीच प्रभावी ठरतो.

फोटोचे बॅकग्राऊंड: फोटो काढताना तुमच्या पाठीमागे एकाच रंगाची भिंत असेल, तर फोटो काढणे सोपे जाते. भिंतीपासून सुमारे पाच फूट दूर उभे रहावे. यामुळे भिंतीच्या रंगाचा प्रभाव तुमच्या फोटोमध्ये दिसत नाही. परंतु, फोटो काढताना तुमच्या फोटोचा बॅकग्राऊंड अस्ताव्यस्त असेल, तर फोटोचा प्रभाव बिघडू शकतो.

रंग आणि कॉन्ट्रास्ट: फोटोमध्ये आकर्षक रंगसंगती ठेवावी. पेहराव, भिंतीचा किंवा आजूबाजूची रंगसंगती यामुळे फोटोला वेगळेपणा येतो. फोटोतील गडद रंग फोटो पाहणार्‍याला आकर्षित करतात.

इनडोअर फोटो: तुम्ही जर एखाद्या बंद खोलीत फोटो काढत असाल, तर तेथे नैसर्गिक उजेड असावा. तसे नसल्यास लाईटचा प्रकाश चेहर्‍यावर व्यवस्थित पडेल अशा ठिकाणी उभे राहून फोटो काढावा.

आऊटडोअर फोटो: सकाळ आणि संध्याकाळच्या उजेडात फोटो काढणे चांगले असते. कारण या दोन्ही वेळांमध्ये सूर्य सरळ तुमच्या डोक्यावर नसतो. यामुळे चांगला फोटो येतो. दुपारी फोटो काढायचाच असेल, तर एखादे शेड असलेल्या भागाचा शोध घ्यावा. जेणेकरून चांगला उजेड येऊ शकेल.

थेट समोरून फोटो नको: शक्यतो समोरून काढलेला फोटो प्रोफाईलसाठी ठेवू नये. याऐवजी थोडे तिरपे किंवा यापेक्षा वेगळ्या पोझमध्ये उभे राहून काढलेला फोटो आपल्या प्रोफाईलमध्ये ठेवावा.