BHR घोटाळ्याची चौकशी भाजप सरकारच्या आदेशानुसारच, खडसेंनी सुनावलं

Eknath Khadse-Pravin Darekar

जळगाव :- सुमारे दीड हजार कोटी रुपयांवर आर्थिक गैरव्यवहार असलेल्या बीएचआर मल्टिस्टेट सोसायटी प्रकरणी चौकशी सुरू आहे. या चौकशीच्या मागणीसाठी स्वत: एकनाथ खडसे यांच्यासह खासदार रक्षा खडसे, ॲड.कीर्ती पाटील यांनी सातत्याने पाठपुरावा केला होता. त्यावेळी राजकीय दबाव होता, मात्र आता यंत्रणेने हा दबाव झुगारून चौकशी सुरू केली आहे. यात अनेक मोठी नावे पुढे येणार असल्याचे माजी मंत्री खडसे यांनी सांगितलं. तसेच एकनाथ खडसे (Eknath Khadse) यांनी विधान परिषदेचे विरोधी पक्ष नेते प्रवीण दरेकर (Pravin Darekar) यांना प्रत्युत्तर दिलं आहे.

बीएचआर पतसंस्था अर्थात भाईचंद हिराचंद रायसोनी मल्टिस्टेट को-ऑप. सोसायटीशी संबंधित कागदपत्रांनुसार जळगाव शहरातील खान्देश कॉप्लेक्सचा पत्ता असलेल्या श्री. साई मार्केटिंग अँड ट्रेडिंग कंपनीने बहुतांश मालमत्ता खरेदी केल्या आहेत. ही कंपनी सूरज सुनील झंवर व कैलास रामप्रसाद सोमाणी यांच्या नावावर आहे, असे राष्ट्रवादीचे नेते एकनाथ खडसे यांनी सांगितले. दरम्यान, बीएचआर घोटाळा प्रकरणी सूरज यांचे वडील सुनील झंवर यांच्या ठिकाणांवर आर्थिक गुन्हे शाखेने छापे टाकलेले आहेत. झंवर हे हे जळगावातील मोठे व्यावसायिक आहेत.

एकनाथ खडसे यांनी या संदर्भात पत्रकार परिषद घेतली होती त्यावेळी काही कागदपत्रे दिली. त्यात ‘बीएचआर’ची मालमत्ता मातीमोल भावात घेणाऱ्या ३० व्यक्ती व संस्थांची नावे आहेत. त्यात जळगाव, पुणे, जामनेर, पाळधी (धरणगाव) येथील व्यक्तींचा समावेश आहे. झंवर आणि सोमाणी यांच्या श्री. साई मार्केटिंग अँड ट्रेडिंग कंपनीने नशिराबाद येथील दुकानांसाठी १९ लाख ५१ हजार ५०० रुपयांची निविदा भरली असून खरेदी अद्याप बाकी आहे. दुकान क्रमांक १६, १७, १८, १८-अ, कोहिनूर आर्केड, निगडी पुणे) ही मालमत्ता त्यांनी २ कोटी ११ लाख ११ हजार १११ रुपयांत खरेदी केली आहे. तसेच प्लॉट नं. ५६८/१० भाग अ, ब, क, ड रांगले निवास घोले रोड पुणे ही मिळकत ३ कोटी ११ लाख ३३ हजार १११ रुपयांत खरेदी करण्यात आली आहे. नाशिकरोड येथील दुकान नंबर ३, ४, ५ आनंद प्लाझा या मिळकतीसाठी ९४ लाख ११ हजार एवढी शासकीय निविदा भरली असून अद्याप खरेदी बाकी आहे. योगेश रामचंद्र लोढा (पाळधी ता. धरणगाव) यांनी पिंपळे गुरव, पुणे येथील दुकान नं. ४ हे ४९ लाख ९९ हजार ९९९ रुपयांत खरेदी केले आहे, असे या कागदपत्रांवरून दिसत आहे.

एकनाथ खडसे यांनी पत्रकार परिषदेत या घोटाळ्याबाबत अनेक दावे केले. गैरव्यवहार करणाऱ्या अनेकांनी कोट्यवधी रुपयांच्या मालमत्ता अगदी कवडीमोल भावात खरेदी केल्या. त्यामुळे ठेवीदारांना खूप मोठा फटका बसला आहे, असा आरोप खडसेंनी केला. जळगाव जिल्ह्यातील जामनेरसह पुण्यातील निगडी येथील काही जमिनी अशाप्रकारे घेण्यात आल्या आहेत. यात मोठ्या प्रमाणावर गैरव्यवहार करण्यात आळा आहे. आता या गैरव्यवहाराची आर्थिक गुन्हे शाखेकडून चौकशी सुरू असल्याने मी आणखी कोणतीही माहिती जाहीर करू शकत नाही. मला काही मर्यादा आहेत, असे सांगत खडसे यांनी गैरव्यवहारात सहभागी असणाऱ्या बड्या व्यक्तींचा नामोल्लेख टाळला.

ही बातमी पण वाचा : शरद पवार यांचे नेतृत्व मी स्वीकारले : एकनाथ खडसे  

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER