IPL 2020: या पाच खेळाडूंच्या जोरावर मिळविला सनरायझर्स हैदराबादने विजय

Sunrisers Hyderabad

आयपीएल २०२० (IPL 2020) मध्ये शनिवारी सनरायझर्स हैदराबादने (Sunrisers Hyderabad) शानदार कामगिरी करत रॉयल चॅलेंजर्स बेंगळुरूवर (RCB) विजय मिळवला. शारजा येथे खेळल्या गेलेल्या या सामन्यात हैदराबादच्या गोलंदाजांनी शानदार गोलंदाजी करत आरसीबीच्या फलंदाजांना एक-एक धावेसाठी त्रासवले होते. छोट्या लक्ष्याचा पाठलाग करताना हैदराबादने शानदार विजय नोंदविला आणि गुणतालिकेत चौथ्या क्रमांकावर पोहचला.

गोलंदाजांसह या पाच खेळाडूंनी हैदराबादच्या विजयात बजावली महत्त्वपूर्ण भूमिका :

जेसन होल्डर : अष्टपैलू जेसन होल्डरने बॉल आणि फलंदाजीद्वारे शानदार कामगिरी केली. त्याने चार षटकांत २७ धावा देऊन दोन आरसीबी खेळाडूंना बाद केले. यानंतर फलंदाजीत नाबाद असूनही त्याने अवघ्या १० चेंडूंत २६ धावांची सामना जिंकणारी खेळी खेळली.

संदीप शर्मा : संघाचा प्रमुख गोलंदाज संदीप शर्माने चांगली गोलंदाजी करत हैदराबादला प्रारंभिक यश मिळवून दिले. त्याने बंगळुरूच्या दोन मोठ्या फलंदाजांना बाद केले. संदीपने चार षटकांत २० धावा देऊन विराट कोहली आणि देवदत्त पाडिक्कलच्या विकेट घेतल्या.

टी नटराजन : यॉर्कर स्पेशलिस्ट म्हणून ओळखला जाणारा वेगवान गोलंदाज bनटराजनने जबरदस्त गोलंदाजी केली. त्याने चार षटकांत केवळ ११ धावा देऊन वॉशिंग्टन सुंदरची विकेट घेतली.

राशिद खान : फिरकी गोलंदाज रशीदने पुन्हा चेंडूने ठसा उमटविला. राशिदने चार षटकांत २४ धावा देऊन जोस फिलिपची विकेट घेतली. त्याने फिलिपला ३२ धावांवर पॅव्हेलियनमध्ये पाठवले.

रिद्धिमान साहा : यष्टिरक्षक फलंदाज रिद्धिमान साहानेही सलग दुसर्‍या सामन्यात शानदार फलंदाजी केली. त्याने संघासाठी ३९ धावा केल्या. साहाने ३२ चेंडूंचा सामना केला आणि चार चौकार आणि एक षटकार लगावला.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER