IPL 2020: मुंबई इंडियन्सने रचला इतिहास, बनला जगातील नंबर वन टी -२० संघ

Mumbia Indians

शनिवारी आयपीएल २०२० मध्ये डबल हेडरच्या पहिल्या सामन्यात मुंबई इंडियन्सने दिल्ली कॅपिटल्स विरूद्ध मैदानात उतरताच इतिहास रचला. होय, मुंबई इंडियन्स जगातील सर्वाधिक टी -२० सामने खेळणारा सर्वोच्च संघ बनला आहे.

मुंबई इंडियन्सने इंग्लंडच्या काऊन्टी टीम सोमरसेटचा विक्रम मोडला आहे. मुंबई इंडियन्सने आतापर्यंत एकूण २२२ टी -२० सामने खेळले आहेत, तर सोमरसेट २२१ सामन्यांसह दुसर्‍या क्रमांकावर आहे.

त्यानंतर तिसऱ्या क्रमांकावर हैंपशर (२१७ टी -२० सामने) आणि ससेक्स (२१२ टी -२० सामने) आणि सरे (२११ टी -२० सामने) अनुक्रमे चौथे आणि पाचव्या क्रमांकावर आहेत. शनिवारी मुंबईने दिल्लीला नऊ विकेट्सने पराभूत केले.

इतकेच नव्हे तर आयपीएलमध्ये २०० सामने खेळणारा मुंबई इंडियन्सही पहिला संघ ठरला आहे. मुंबई इंडियन्सनंतर आरसीबीने१९३ सामने खेळले आहेत. कोलकाता नाइट रायडर्सने आयपीएलमध्ये १९१ सामने आणि दिल्ली कॅपिटल्सने १९० सामने खेळले आहेत.

आयपीएल २०२० मध्ये मुंबई इंडियन्सची शानदार कामगिरी सुरू आहे. मुंबई संघाने प्लेऑफसाठी पात्रता मिळविली आहे. चेन्नईच्या विजयासह मुंबई प्लेऑफमध्ये पोहोचणारा पहिला संघ ठरला. त्या सामन्यात चेन्नईने कोलकाताचा ६ गडी राखून पराभव केला होता.

मुंबई इंडियन्स आयपीएलमधील सर्वाधिक चार वेळा चॅम्पियन आहे. यावेळी त्यांचे लक्ष पाचव्या वेळी आयपीएलचे जेतेपद पटकावण्यावर आहे. आयपीएलच्या १३ व्या सत्रात मुंबई इंडियन्स १८ गुणांसह अव्वल स्थानावर आहे.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER