IPL 2020 : पराभवानंतरही धोनीने चार मोठे विक्रम केले

MS Dhoni

सहा वर्षांमध्ये प्रथमच महेंद्रसिंग धोनीच्या नेतृत्वात चेन्नई सुपर किंग्जला सलग तीन पराभवांचा सामना करावा लागला.

चेन्नई सुपर किंग्जसाठी (CSK) इंडियन प्रीमियर लीगचा (IPL) १३ वा मोसम अद्याप निराशेचा काळ सुरू आहे. शुक्रवारी आयपीएल -२०२० मध्ये सनरायझर्स हैदराबाद (SRH) संघाविरुद्ध संघाला पुन्हा पराभवाला सामोरे जावे लागले. या पराभवामध्ये सीएसके कर्णधार महेंद्रसिंग धोनीचे (MS Dhoni) अप्रत्यक्ष दोन, तर दोन विशेष विक्रम नोंदविण्यात आले आहेत.

सहा वर्षांत प्रथमच सलग तीन पराभव
आयपीएल -२००८ च्या पहिल्या हंगामाच्या सुरुवातीपासूनच धोनीच्या नेतृत्वात इतर संघांना चेन्नई सुपर किंग्जचा पराभव करणे सोपे नव्हते. आतापर्यंत फक्त आयपीएल -२०१४ अशी स्थिती होती, त्यामध्ये धोनीच्या संघाला सलग तीन सामन्यांत पराभवाला सामोरे जावे लागले. त्यानंतर रॉयल चॅलेंजर्स बेंगलोर, कोलकाता नाईट रायडर्स आणि सनरायझर्स हैदराबाद यांनी १८ मे, २० मे आणि २२ मे रोजी झालेल्या सामन्यांमध्ये सीएसकेचा पराभव केला. यानंतर, धोनीच्या नेतृत्वात संघाने सलग तीन सामने गमावले असताना सहा वर्षांत ही पहिलीच वेळ आहे.

धोनी सहाव्यांदा पाठलाग करताना पराभव झालेल्या सामन्यात नाबाद राहिला
धोनीला जगातील सर्वांत मोठा मॅच फिनिशर मानले जाते; परंतु आयपीएलच्या इतिहासात सनरायझर्सविरुद्धचा सहावा सामना होता जेव्हा धोनी आपल्या संघाला जिंकवू शकला नाही आणि विजयासाठीच्या लक्ष्याचा पाठलाग करत तो नॉटआऊट पॅव्हेलियन परतला. विशेष म्हणजे या आयपीएलमध्ये यापैकी दोन संधी आल्या आहेत. या सामन्याआधी राजस्थान रॉयल्सविरुद्धच्या सामन्यात तो बाद झाला. या हंगामातील दिल्ली कॅपिटल्सच्या विरुद्ध झालेल्या पराभवात धोनी लक्ष्याच्या पाठलागानंतर अखेरच्या षटकात बाद झाला. अन्य प्रसंगी धोनी २०१३ मध्ये मुंबई इंडियन्स विरुद्ध, २०१४ आणि २०१८ मध्ये किंग्ज इलेव्हन पंजाब आणि २०१९ मध्ये आरसीबी विरुद्ध संघ जिंकू शकला नाही.

४५०० आयपीएल धावांसह सातवा फलंदाज
या सामन्यात ४७ धावांच्या खेळीत धोनीने २४ वी धाव करताच आयपीएलमधील ४५०० धावांचा टप्पा गाठला. आता १९४ सामन्यात ४२.६६ च्या सरासरीने आणि १३७.८१ च्या स्ट्राइक रेटसह त्याने ४५२३ धावा केल्या आहेत. असे करणारा तो फक्त सातवा क्रिकेटर ठरला आहे. धोनीशिवाय विराट कोहलीने ५४३० धावा, सुरेश रैना ५३६८ धावा, रोहित शर्मा ५०६८ धावा, डेव्हिड वॉर्नरने ४८२१ धावा, शिखर धवन ४६४८ धावा आणि एबी डेव्हिलियर्सने ४५२९ धावा केल्या आहेत.

आयपीएलमधील सर्वाधिक सामन्यांची नोंद
धोनीचा हा १९४ वा आयपीएल सामना होता आणि यासह त्याने आपला जुना साथीदार सुरेश रैनाला (Suresh Raina) मागे करत सर्वाधिक सामने खेळण्याचा विक्रम केला. या आयपीएल मोसमात यूएईवरून परतल्यानंतर रैनाने १९३ सामने खेळले होते. या दोघांनंतर रोहित शर्माने (Rohit Sharma) सर्वाधिक १९२ सामने खेळले आहेत.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER