मेलबर्न येथे खेळल्या गेलेल्या बॉक्सिंग डे कसोटी सामन्यात उमेश यादवला दुखापत झाली होती, पण भारत आणि इंग्लंड यांच्यातील तिसर्‍या आणि चौथ्या कसोटी सामन्यात त्याला भारतीय संघात स्थान देण्यात आले आहे.
४ सामन्यांच्या मालिकेतला तिसरा कसोटी सामना २४ फेब्रुवारीपासून भारत आणि इंग्लंड यांच्यात खेळला जाईल. ज्यासाठी टीम इंडियाचा वेगवान गोलंदाज उमेश यादवलाही संघात स्थान देण्यात आले आहे, मात्र त्याचा सामन्यात खेळणे अद्याप निश्चित नाही आहे.
तिसरे कसोटी खेळण्याबद्दल सस्पेन्स
ज्येष्ठ वेगवान गोलंदाज उमेश यादवची तंदुरुस्तीची चाचणी दोन दिवसांत होईल, ज्यामुळे समजेल कि तो इंग्लंडविरुद्ध अहमदाबाद मध्ये होणाऱ्या डे-नाईट टेस्टमध्ये भारतीय संघाच्या प्लेइंग इलेव्हनमध्ये सामील होतील की नाही.
मोटेरामध्ये स्पिन खेळपट्टी?
असा विश्वास आहे कि भारतीय संघ व्यवस्थापनाच्या निवडीनुसार पुन्हा एकदा फिरकीपटूंसाठी उपयुक्त खेळपट्टी तयार केली जाईल ज्यामुळे रविचंद्रन अश्विन आणि अक्षर पटेल यांच्या उत्कृष्ट कामगिरीची पुनरावृत्ती होऊ शकेल. चेन्नईतील दुसर्‍या कसोटी सामन्यात अक्षर आणि अश्विनने २० पैकी १५ विकेट घेतल्या.
‘उमेशची होईल फिटनेस टेस्ट’
डे-नाईट होणाऱ्या सामान्याच्या कारणाने कुलदीप यादवच्या जागी तिसरा वेगवान गोलंदाज उतरवू शकतात. अशा परिस्थितीत उमेश आणि मोहम्मद सिराज पैकी एकाला संधी मिळणार आहे. BCCI च्या एका वरिष्ठ अधिकाऱ्याने सांगितले की, ‘उमेशची फिटनेस टेस्ट दोन दिवसात होईल.’
ऑस्ट्रेलियात जखमी झाला होता उमेश
मेलबर्नमध्ये खेळल्या गेलेल्या बॉक्सिंग डे कसोटीच्या तिसर्‍या दिवशी उमेश यादव जखमी झाला होता. तो लंगडत मैदाना बाहेर बाहेर पडला होता. यानंतर, त्याला सिडनी आणि ब्रिस्बेन येथे कसोटी सामने खेळता आले नाहीत व तो भारतात परतला.
बातम्यांच्या अपडेटसाठी लाईक करा आमच्या फेसबुक पेजला
