मी सहजासहजी संपणारा राजकारणी नाही – खडसे

Eknath Khadse

जळगाव : मी मुख्यमंत्री पदाचा प्रबळ दावेदार असल्याने मला योग्यपणे संपवण्याचा प्रयत्न केला गेला. मात्र मी सहजासहजी संपणारा, स्वस्त बसणारा राजकारणी नाही. माझ्यावर लावण्यात आलेले सर्व आरोप खोटे आहेत. मी कोणता उपद्व्याप केलेला नाही. अनेकांवर घोटाळ्यांचे आरोप झालेत सर्वांना क्लीन चिट मिळते. मग मला क्लीनचिट का मिळत नाही? लवकरच अनेक रहस्यांचा उलगडा होईल, असा गौप्यस्फोट भाजपचे वरिष्ठ नेते एकनाथ खडसे (Eknath Khadse) यांनी केला आहे.

बाकीच्यांवर कारवाई झाली नाही. माझ्यावर कारवाई करण्यात आली. मी सातत्याने म्हणणार मी काय गुन्हा केला. माझ्यावरचे खोटे आरोप आतापर्यंत सिद्ध करू शकले नाही. बदनाम करण्यासाठी काही विशिष्ट लोकांनी मीडिया ट्रायल केली होती. जाणीवपूर्वक मला पदावरून बाजूला करण्याचा प्रयत्न केला. भ्रष्ट लोकांना पक्षामध्ये घेतले. मात्र ज्यांनी चाळीस वर्ष जिवाचं रान केले त्यांच्या जीवाची कदर नाही का?, असंही खडसे म्हणाले.

मला बदनाम करण्याचं दुःख माझ्या मनात आहे. त्यामुळेच भाजपा (BJP) सरकार आले नाही. नेत्यांच्या प्रवृत्तीमुळे हे सरकार येऊ शकले नाही. ओबीसींवर अन्याय बहुजनांवर अन्याय मग त्या कालखंडात या धोरणामुळे बहुजनांची टिकीटं कापली. ज्यांना तिकीट दिली त्यांना हरवलं. माझं तिकीट कापलं, माझ्या मुलीला हरवण्यासाठी प्रयत्न केला. याबबतचे सर्व पुरावे मी दिले आहेत तरी देखील कारवाई होत नाही?, असं खडसेंनी सांगितले.

मी असा काय गुन्हा केला. जे लोक या विधानसभेत आडवे येत होते त्यांना आडवे करण्याचे काम यात करण्यात आले. मी कधीच पक्षावर टीका केली नाही. आम्ही कष्टाने आणलेलं भाजपचं सरकार गेल्याची खंत खडसे यांनी व्यक्त केली.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER