मनाली मध्ये केले कार्तिक आर्यनने हेअर कट

kartik Aryan

कोरोना विषाणूमुळे लॉक डाऊन दरम्यान बॉलिवूड अभिनेता कार्तिक आर्यन खूप चर्चेत होता. त्याचे लांब केस आणि दाढी पाहून लोक म्हणायचे की एका नवीन चित्रपटामुळे त्याने त्याचे परिवर्तन (Transformation) केले आहे. कार्तिकने याबद्दल काहीही सांगितले नसले तरी. आता कार्तिकची नवीन पोस्ट पाहता असे दिसते की कार्तिक कोराना विषाणूमुळे बराच काळ सलूनमध्ये गेला नव्हता. म्हणून जेव्हा मनालीला जाण्याची संधी मिळाली तेव्हा त्याने प्रथम त्याचे लांब केस पहाडावर कापले. या अभिनेत्याने आपल्या इंस्टाग्रामवरून स्वत: चा एक फोटो शेअर करुन याबद्दलची माहिती दिली आहे.

कार्तिक आर्यनने आपल्या इंस्टाग्राम अकाऊंटवरून त्याचा फोटो शेअर करत लिहिले की, “मनाली में कटेगा!” फोटोमध्ये कार्तिक पहाडावर खुल्या आकाशाखाली बसला आहे. त्याच्या शेजारी उभ्या व्यक्ती कात्री घेऊन हसत आहेत. फोटोमध्ये, कार्तिक लांब केसांसह हसणारा सेल्फी देखील घेत आहे. कार्तिकचा हा फोटो त्याच्या चाहत्यांना आवडत आहे.त्याच्या फोटोवर कमेंट करून कार्तिकचेही कौतुक होत आहे.

सांगण्यात येते की कार्तिक सध्या त्याच्या आगामी ‘भूल भुलैया 2’ चित्रपटाच्या शूटिंगसाठी मनालीमध्ये आहे. त्याच्यासोबत अभिनेत्री कियारा अडवाणी देखील आहे. या चित्रपटात कियारा-कार्तिकशिवाय तब्बू, गोविंद नामदेव, संजय मिश्रा, राजपाल यादव यांच्या प्रमुख भूमिका आहेत. अनीस बाझमी दिग्दर्शित हा चित्रपट १९ नोव्हेंबर २०२१ रोजी प्रदर्शित होणार आहे. चित्रपटाची कथा फरहाद सामजी आणि आकाश कौशिक यांनी लिहिली आहे. भूषण कुमारच्या टी-सीरीज बॅनरखाली हा चित्रपट थिएटरमध्ये दाखल होणार आहे. सध्या चित्रपटाचे बाकीचे शूटिंग सुरू आहे.

हा चित्रपट भूल भुलैयाचा सिक्वल आहे. ‘भूल भुलैया’ हा चित्रपट २००७ मध्ये प्रदर्शित झाला होता. ज्यामध्ये अक्षय कुमार, विद्या बालन, शाइनी आहुजा, अमीषा पटेल, परेश रावल हे कलाकार मुख्य भूमिकेत होते. हा चित्रपट सुपरहिट होता. विशेषत: चित्रपटाची गाणे खूप पॉपुलर झाले होते.


बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER