अक्षय कुमार आणि रणवीर सिंग स्टारर फिल्म ‘सूर्यवंशी’ला टक्कर देण्यासाठी हॉलिवूडचा बहुप्रतिक्षित चित्रपट येत आहे. गॉडजिला वर्सेस कॉन्ग (Godzilla vs Kong) या चित्रपटाचा ट्रेलर लॉन्च झाला आहे. हा चित्रपट २६ मार्च २०२१ रोजी भारतात मोठ्या पडद्यावर रिलीज होईल. ट्रेलर पाहून याचा अंदाज केला जाऊ शकतो, यात आपत्ती आणि विनाश बद्दल दर्शविले आहे.
कॉन्ग आणि त्याचे रक्षक त्यांचा घर शोधण्यासाठी धोकादायक प्रवासाला निघातात. त्यांच्यासमवेत एक लहान अनाथ मुलगी जिया आहे, जे एकत्रितपणे शक्तिशाली युती बनवतात. दरम्यान, ते अनपेक्षितपणे गोडजिलाच्या मार्गावर येतात.
या चित्रपटात अलेक्जेंडर स्कार्सगार्ड (Alexander Skarsgard), मिल्ली बॉबी ब्राउन (Millie Bobby Brown), रेबेका हॉल (Rebecca Hall), ब्रायन टायरी हेनरी (Brian Tyree Henry), शॉन ओगुरी (Shun Oguri), एजा गोंजालेज (Eiza González), जूलियन डेनिसन (Julian Dennison) आणि काइली कैंडलर (Kyle Chandler) यांच्या प्रमुख भूमिका आहेत.
चित्रपटाचे दिग्दर्शन एडम विंगगार्ड (Adam Wingard) यांनी केले आहे. वॉर्नर ब्रदर्स पिक्चर्स आणि लिजेंड्री पिक्चर्स हे एकत्र सादर करत आहेत. हा चित्रपट हिंदी, इंग्रजी, तामिळ आणि तेलगू भाषांमध्ये रिलीज होणार आहे.
‘गॉडजिला वर्सेस कॉन्ग’ २०२० मध्ये थिएटरमध्ये प्रदर्शित होणार होता पण कोविड १९मुळे तारीख पुढे ढकलण्यात आली. सांगण्यात येते की सूर्यवंशी हा चित्रपट देखील मार्चच्या शेवटच्या आठवड्यात प्रदर्शित होणार आहे. होळीवर चित्रपट आणण्याची निर्मात्यांची योजना आहे. हा चित्रपट बराच दिवसांपासून बनून तयार आहे.
Legends will collide. Watch the long-awaited official trailer for #GodzillaVsKong, coming to theaters and streaming exclusively on @HBOMax*.
*Available on @HBOMax in the US only, for 31 days, at no extra cost to subscribers. pic.twitter.com/ygUDjoXwT8
— Godzilla vs. Kong (@GodzillaVsKong) January 24, 2021
बातम्यांच्या अपडेटसाठी लाईक करा आमच्या फेसबुक पेजला
