तीन वर्षांपूर्वीच्या गुन्ह्यात गिरीश महाजनांना दिलासा

girish-mahajan

जळगाव :  मराठा विद्या प्रसारक सहकारी समाज मर्यादित जळगाव (मविप्र) या संस्थेचा ताबा मिळवण्यासाठीच्या तीन वर्षापूर्वीच्या एका फौजदारी गुन्ह्यात गिरीश महाजन यांना न्यायालयाचा दिलासा मिळाला आहे. ७ जानेवारीपर्यंत गिरीश महाजन (Girish Mahajan) आणि रामेश्वर नाईक या दोघांविरोधात कठोर कारवाई करू नये, असे आदेश मुंबई उच्च न्यायालयाने पुणे पोलिसांना दिले आहेत.

नक्की काय घडलं?

अ‍ॅड. विजय पाटील यांनी निंभोरा पोलीस ठाण्यात दिलेल्या फिर्यादीनुसार, जानेवारी २०१८ मध्ये त्यांना निलेश भोईटे यांनी फोन करुन संस्थेचे जुने रेकॉर्ड देण्याबाबत सांगितले. हे रेकॉर्ड तानाजी भोईटे यांच्याकडे असून ते सध्या पुण्यात आहेत. तुम्ही पुण्यात जाऊन त्यांची भेट घ्या व त्यांच्याकडून संस्थेचे जुने रेकॉर्ड घ्या असे निलेश भोईटे यांनी सांगितले. यावेळी अ‍ॅड. पाटील हे नरेंद्र पाटील यांच्याशी बोलून तीन-चार दिवसानंतर रेकॉर्ड घेण्यासाठी महेश पाटील यांच्यासह कारने पुण्याला गेले. तानाजी भोईटे यांनी पाटील यांना कोथरुड परिसरातील हॉटेल किमया येथे बोलावले. या ठिकाणी तानाजी भोईटे, निलेश भोईट, शिवाजी भोईटे, विरेंद्र भोईटे, रामेश्वर नाईक हे थांबलेले होते. हॉटेलात भेटीच्या वेळी तानाजी भोईटे यांनी, ही संस्था गिरीश भाऊला हवी आहे, भाऊ एक कोटी रुपये देण्यास तयार आहेत, असा निरोप पाटील यांना दिला. अ‍ॅड. पाटील यांनी यावर नकार दिल्यानंतर रामेश्वर नाईक याने स्वत:च्या मोबाईलवरुन गिरीश महाजन यांना व्हिडीओ कॉल केला. ‘तू सर्व संचालकांचे राजीनामे घेऊन ही संस्था निलेश भोईटेच्या ताब्यात देऊन टाक, तुझा विषय संपवून टाक, असे महाजन यांनी व्हिडीओ कॉलवर अ‍ॅड. पाटील यांना सांगितले.

ही बाब मान्य नसल्यामुळे अ‍ॅड. पाटील व महेश पाटील तेथून जाण्यासाठी निघाले असता भोईटे यांनी त्यांना थांबवले. नाराज होऊ नका तुम्हाला रेकॉर्ड देऊन टाकतो, असे सांगून कारमध्ये बसवून त्यांना दुसऱ्या जागी नेण्याचा प्रयत्न केला. काही अंतरावर जयवंत भोईटे, निळकंठ काटकर, गणेश कोळी उर्फ गणेश मेंबर, सुनिल झंवर, विराज भोईटे हेदेखील उभे होते. धावत्या कारमध्ये रामेश्वर नाईक याने अ‍ॅड. पाटील यांना चापट मारुन गळ्यावर चाकू लावून धाक दाखवला. यानंतर सुनिल झंवर यानीही, संस्था सोडून द्या. मुकाट्याने सर्व संचालकांचे राजीनामे घेऊन निलेशकडे देऊन टाका अन्यथा परिणाम वाईट होतील. गिरीशभाऊंनी यांना बसविले आहे. हे तुला माहित नाही का? गिरीशभाउंचा खास माणूस आहे, अशी धमकी दिली. यावेळी विरेंद्र भोईटेने पाटील यांच्यावर पायावर लाथ मारली आणि कानशिलात लगावली तसेच, अर्वाच्च शिवीगाळ केली असा आरोप फिर्यादीत करण्यात आला होता.

ही बातमी पण वाचा : भाजपचे संकटमोचक संकटात; पोलीस ठाण्यात गुन्हा दाखल

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER