शिवराज्याभिषेक सोहळा घरावर गुढी आणि भगवे ध्वज लावून साजरा करा : मराठा महासंघ

Gudi and saffron flags

कोल्हापूर :- करोनाच्या पार्श्वभूमीवर यंदाचा सहा जून रोजी होणारा शिवराज्यभिषेक दिन सोहळा घरावर गुढी आणि भगवे ध्वज उभारुन साजरा करावा, असे आवाहन अखिल भारतीय मराठा महासंघाने केले आहे. महासंघाचे राष्ट्रीय उपाध्यक्ष वसंतराव मुळीक यांनी या संदर्भात पत्रक प्रसिद्ध केले आहे.

पत्रकात म्हटले आहे, गेली १३ वर्षे मराठा महासंघाच्यावतीने शिवराज्यभिषेक दिन सोहळा विविध उपक्रमांनी मोठ्या प्रमाणावर साजरा केला जातो. पारंपरिक वाद्याच्या गजरात मिरवणूक काढली जाते. प्रबोधनपर आणि शिवजीवनावर आधारित फलक मिरवणुकीचे वैशिष्ट्य असते. तसेच शिवाजी महाराजांच्या चित्राचे अनावरण केले जाते. गरजू विद्यार्थ्यांना शैक्षणिक साहित्याची मदत, शिवराज्याभिषेक व्याख्यानमालेचे आयोजन केले जाते.

शिवरायांच्या आयुष्यातील ‘अखंड सावधानता’ हा महत्वाचा गुणच करोनाविरुद्धच्या लढाईत देशाला जिंकण्याची स्फूर्ती देईल. त्यामुळे यंदा शिवराज्यभिषेक सोहळा साधेपणाने साजरा करण्याचा निर्णय महासंघाने व्हिडिओ कॉन्फरन्स् द्वारे घेण्यात आलेल्या बैठकीत घेण्यात आला.

बैठकीला राष्ट्रीय उपाध्यक्ष वसंतराव मुळीक, इतिहास संशोधक इंद्रजित सावंत, शशिकांत पाटील, बबनराव रानगे, शाहीर दिलीप सावंत, प्रकाश पाटील, अशोक माळी, कादर मलबारी, उत्तम जाधव, इंद्रजित माने, आनंद म्हाळुंगकर, शंकरराव शेळके, शैलजा भोसले, के.एम.बागवान, उमेश पोर्लेकर, अवधूत पाटील, संजय कांबळे, शरद साळुंखे आदी उपस्थित होते.


बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER