B’day Special: जेव्हा मोहम्मद शमीने वर्ल्ड कप २०१९ मध्ये रचला होता इतिहास

mohammed shami

टीम इंडियाचा आक्रमक वेगवान गोलंदाज मोहम्मद शमीने (Mohammed Shami) आज आपल्या आयुष्याची ३० वर्षे पूर्ण केली आहेत. दरम्यान जाणून घेऊया शमीच्या मागील वर्ल्ड कप २०१९ मध्ये केलेल्या एका अनोख्या पराक्रमाबद्दल.

टीम इंडियाचा मोहम्मद शमी आज ३ सप्टेंबर रोजी आपला ३० वा वाढदिवस साजरा करीत आहेत. आपल्या धारदार गोलंदाजीसाठी परिचित असलेल्या शमीने आपल्या ७ वर्षांच्या क्रिकेट कारकिर्दीत अनेक प्रसंगी भारतीय क्रिकेट संघाला महत्त्वपूर्ण विजय मिळवून दिला आहे. आज आपण वर्ल्डकप २०१९ मध्ये शमीने भारताला मिळवून दिलेल्या रोमांचक विजयाबद्दल चर्चा करू, ज्यामध्ये मोहम्मद शमी हीरो बनला होता. अफगाणिस्तानविरुद्धच्या लाजीरवाण्या पराभवापासून टीम इंडियाला वाचवून मोहम्मद शमीने एक विशेष विक्रम नोंदविला होता.

वर्ल्ड कपमध्ये हॅटट्रिक घेणारा दुसरा भारतीय खेळाडू ठरला मोहम्मद शमी

मागील वर्षीच्या विश्वचषकात भारत आणि अफगाणिस्तान दरम्यान सामना खेळला गेला होता. या सामन्यात टीम इंडियाने नाणेफेक जिंकून प्रथम फलंदाजीचा निर्णय घेतला. रोहित शर्मा, केएल राहुल, विराट कोहली आणि महेंद्रसिंग धोनीसारख्या दिग्गजांनी सजलेल्या टीम इंडियाला ५० षटकांत केवळ २२४ धावा करता आल्या. २२५ धावांचे लक्ष्य गाठण्यासाठी अफगाणिस्तानने सर्वोत्तम खेळ दाखविला. संपूर्ण सामन्यात अफगाणिस्तानचा संघ भारताच्या पुढे होता.

प्रत्येकाला वाटत होते कि या सामन्यात टीम इंडिया मोठ्या पराभवाचा बळी ठरणार आहे. पण सामन्याच्या शेवटी भारतीय वेगवान गोलंदाज मोहम्मद शमीने आपल्या धोकादायक गोलंदाजीच्या जोरावर सामन्याला नवा रंग दिला. अफगाणिस्तानच्या डावाच्या शेवटच्या षटकात शमीने भारताच्या विजयात अडथळे असलेल्या अफगाणिस्तानचे फलंदाज मोहम्मद नबी, आफताब आलम आणि मुजीब उर रहमानला ५० व्या षटकातील अनुक्रमे तिसर्‍या, चौथ्या आणि पाचव्या बॉलवर बाद करून हॅटट्रिक घेऊन सामना टीम इंडियाच्या झोलीत आणले. या करिष्मामुळे शमी विश्वचषकात चेतन शर्मानंतर हॅटट्रिक घेणारा दुसरा भारतीय गोलंदाज ठरला.

२०१९ च्या विश्वचषकात मोहम्मद शमीने केला होता कहर

आक्रमक गोलंदाजीसाठी प्रसिद्ध असलेल्या मोहम्मद शमीसाठी वर्ल्ड कप २०१९ हा त्याच्या क्रिकेट कारकिर्दीचा दुसरा वर्ल्ड कप होता. मागील क्रिकेट विश्वचषकात मोहम्मद शमीला सलामीच्या सामन्यात खेळण्याची संधी मिळाली नव्हती, परंतु अफगाणिस्तानविरूद्ध हॅटट्रिक घेऊन आणि भारताला जिंकावून शमीने हे काम पूर्ण केले.

यानंतर या संपूर्ण विश्वचषकात मोहम्मद शमीने थांबायचे नाव घेतले नाही आणि सामना दर सामन्यात उत्कृष्ट गोलंदाजी करत राहिला. या विश्वचषकात शमीने इंग्लंडविरुद्ध ५ विकेटही घेतल्या होत्या. त्या जोरावर वर्ल्ड कप २०१९ मध्ये मोहम्मद शमीने केवळ ४ सामन्यांत १४ गडी बाद केले होते. मात्र न्यूझीलंडविरुद्धच्या उपांत्य सामन्यात शमीला न घेण्यात आल्याने टीम इंडियाने जोरदार धडक मिळाली.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER