बीसीसीआयचे सचिव जय शाह बनलेत एशियन क्रिकेट कौन्सिलचे सर्वात तरुण अध्यक्ष

Jay Shah

केंद्रीय गृहमंत्री अमित शहा (Amit Shah) यांचा मुलगा आणि BCCI चे सचिव जय शाहला (Jay Shah) शनिवारी एशियन क्रिकेट कौन्सिलचे (ACC) अध्यक्षपदी निवड करण्यात आली. जय शाह आता बांगलादेश क्रिकेट बोर्डाचे (BCB) प्रमुख नजमुल हसनची जागा घेतील.

शनिवारी एशियन क्रिकेट कौन्सिल (ACC) चे अध्यक्ष म्हणून भारतीय क्रिकेट नियामक मंडळाचे (BCCI) सचिव जय शाहची शनिवारी निवड झाली आहे. जय शाह आता बांगलादेश क्रिकेट बोर्डाचे (बीसीबी) प्रमुख नजमुल हसनची जागा घेतील. तो सर्वात कमी वयात या शीर्ष पदावर पोहोचणारा क्रीडा प्रशासक देखील आहे.

एशियन क्रिकेट कौन्सिलचे अध्यक्ष म्हणून निवडले जाणारे ३२ वर्षीय जय शाह सर्वात कमी वयातील प्रशासक आहेत. सलाना जनरल मीटिंगमध्ये (AGM) शहा यांना नवीन अध्यक्ष म्हणून निवडले गेले.

AGM ला संबोधित करताना नवनिर्वाचित ACC अध्यक्ष जय शाह म्हणाले की, ‘मी हा सन्मान स्वीकारतो आणि मला BCCI मधील आदरणीय सहकार्यांचे आभार मानतो की त्यांनी मला नामांकित केले आणि मला या प्रतिष्ठित पदासाठी पात्र मानले. या क्षेत्रात खेळ आयोजित करणे, विकास आणि प्रोत्साहन देण्याच्या उद्देशाने स्थापन करण्यात आलेला ACC वेगाने वाढला आहे. आपण ही खात्री केली पाहिजे कि परिसरात सर्वांगीण विकास झाला पाहिजे.’

जय शहाला नवीन अधिष्ठान मिळाल्याबद्दल BCCI चे प्रमुख सौरव गांगुलीनेही अभिनंदन केले. ते म्हणाले, ‘एसीसीचे अध्यक्ष झाल्याबद्दल जय शाहला अभिनंदन करतो. आम्ही एकत्र काम केले आहे, आणि क्रिकेटच्या खेळाच्या विकासासाठी त्याच्या योजना आणि दूरदृष्टी मला ठाऊक आहे. मी वैयक्तिकरित्या या उत्साहाला अनुभवल आहे ज्याच्या सोबत त्यांनी चंदीगड, उत्तराखंड आणि ईशान्य राज्यांमध्ये क्रिकेटच्या पायाभूत सुविधाची स्थापन आणि इकोसिस्टम स्थापित करण्यासाठी काम केले.’ ते म्हणाले की, BCCI सर्व सहाय्य करेल आणि आशिया खंडातील क्रिकेट उपक्रमांच्या पुनर्रचना आणि पुनर्रचनेत मोठी भूमिका बजावेल.

BCCI चे कोषाध्यक्ष अरुणसिंग धुमाळनेही जय शहा यांचे नवीन उपलब्धीबद्दल अभिनंदन केले. ते म्हणाले, ‘जय शहा यांच्या नवीन उपलब्धीबद्दल माझे मनःपूर्वक अभिनंदन. ACC ला मजबूत नेतृत्व आवश्यक आहे आणि तो नक्कीच योग्य व्यक्ती आहे. BCCI यापूर्वी नेहमीच सदस्य बोर्डासमवेत उभा राहिला आहे आणि भविष्यातही ती महत्त्वाची भूमिका बजावत राहील.’

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER