ऑस्ट्रेलियन संघ जाहीर, भारताविरुद्धच्या मालिकेत या नव्या अष्टपैलू खेळाडूला मिळाली संधी

Australian Cameron Green has a chance in the series against India

भारताविरुद्धच्या मालिकेसाठी ऑस्ट्रेलियाने (Australia) टी -२० आणि एकदिवसीय क्रिकेट (T20 and ODI cricket) संघात युवा अष्टपैलू कॅमरन ग्रीनचा (Cameron Green) समावेश केला आहे.

भारताविरूद्धच्या मालिकेसाठी ऑस्ट्रेलियाने टी -२० आणि एकदिवसीय क्रिकेट संघात युवा अष्टपैलू कॅमरन ग्रीनचा समावेश केला आहे, तर बिग बॅश लीगमधील शानदार कामगिरीमुळे मोईजेस हेनरिक्स तीन वर्षानंतर राष्ट्रीय संघात परतला.

भारतीय संघ कसोटी मालिकेपूर्वी ऑस्ट्रेलियामध्ये तीन एकदिवसीय सामने (२७ नोव्हेंबर, २९ नोव्हेंबर, २ डिसेंबर) आणि तीन टी -२० (४, ६, ८ डिसेंबर) ऑस्ट्रेलियामध्ये खेळणार आहे.

क्रिकेट ऑस्ट्रेलियाचे (CA) मुख्य निवडक ट्रेवर होन्स म्हणाले की, ‘कॅमरनचा घरेलू फॉर्म अप्रतिम आहे. भविष्यातील खेळाडू म्हणून त्याच्यासाठी ही मालिका शिकण्याची संधी असेल.’

ऑस्ट्रेलियाने मर्यादित षटकांच्या संघात अष्टपैलू खेळाडूंना फलंदाजीला प्राधान्य दिले आहे. २१ वर्षीय ग्रीनची निश्चित निवड मानली जात होती. नुकताच ऑस्ट्रेलियाचा माजी कर्णधार ग्रेग चॅपेल म्हणाला की, रिकी पॉन्टिंगनंतर प्रथमच मी इतका प्रतिभावान क्रिकेटपटू पाहिला आहे.

तसेच, सिडनी सिक्सर्सने हेनरिक्सच्या नेतृत्वात बिग बॅश लीगचे विजेतेपद जिंकले. त्याचा स्ट्राइक रेट १५० च्या जवळपास होता. इंडियन प्रीमियर लीग (IPL) दरम्यान दुखापतग्रस्त मिशेल मार्शचा विचार केला गेला नाही, परंतु तो कसोटी मालिकेपूर्वी A संघात परतू शकतो.

ऑस्ट्रेलिया – एकदिवसीय आणि टी -२० संघ

एरॉन फिंच (कर्णधार), सीन एबॉट, एश्टन एगर, एलेक्स कैरी, पैट कमिंस, कैमरन ग्रीन, जोश हेजलवुड, मोइजेस हेनरिक्स, मार्नस लाबुशेन, ग्लेन मैक्सवेल, डेनियल सैम्स, केन रिचर्डसन, स्टीव स्मिथ, मिशेल मार्श, मार्कस स्टोइनिस, मैथ्यू वेड, डेविड वॉर्नर, एडम जाम्पा.

बातम्यांच्या अपडेटसाठी लाईक करा आमच्या फेसबुक पेजलाMT LIKE OUR PAGE FOOTER