… देश विघातक षडयंत्राची कसून चौकशी करा, अतुल भातखळकर यांची मागणी

- बांगलादेशीना भारताचे नागरिकत्व मिळवून देण्यासाठी एमआयएमच्या दोन आमदारांच्या लेटरहेडचा वापर !

atul bhatkhalkar

मुंबई : बांगलादेशी नागरिकांना भारताचे नागरिकत्व मिळवून देण्यासाठी एमआयएमच्या दोन आमदारांच्या लेटरहेडचा वापर करण्यात आला, अशी माहिती भाजपाचे आमदार अतुल भातखळकर (Atul Bhatkhalkar) यांनी दिली. या देशाच्या सार्वभौमत्व व सुरक्षेशी धोकादायक खेळ करणाऱ्या देश विघातक षड्यंत्राची कसून करा, देशद्रोह्यांना अटक करा, अशी मागणी त्यांनी केली.

मुंबई पोलिसांनी ताब्यात घेतलेल्या व देशभर सक्रीय असलेल्या या टोळीतील लोकांकडे एमआयएमच्या आमदारांचे कोरे लेटरहेड आढळले. देशाच्या सार्वभौमत्व व सुरक्षेशी अत्यंत धोकादायक खेळ करणाऱ्या देश विघातक षड्यंत्राची कसून करा, अशी मागणी करताना ”लाचार ठाकरे सरकार हे प्रकरण खणून काढेल काय?” असा प्रश्न देखील त्यांनी मुख्यमंत्री उद्धव ठाकरेंना विचारला.

याची एनआयए कडून चौकशी करा अशी मागणी भातखळकर यांनी केली. त्यांनी ट्विटरवर शेअर केलेल्या व्हिडिओत म्हटले आहे की, ”बांगलादेशी नागरिकांना भारताचे नागरिकत्व मिळवून देणारी एक आंतरराष्ट्रीय टोळी मुंबई पोलिसांनी पकडली आहे. सर्वात धक्कादायक बाब म्हणजे महारष्ट्र विधानसभेतील एमआयएमचे दोन आमदार शेख रशीद व इस्माईल या दोघांच्या लेटरहेडचा वापर करून, ही टोळी संपूर्ण देशभरात कार्यरत आहे. या दोन्ही आमदारांची अनेक लेटरहेड यांनी वापरलीच, पण पोलिसांना या दोन्ही आमदारांची कोरी लेटरहेड ही देखील या लोकांकडे सापडली. जे पुर्णतः बेकायदेशीर आहे. त्यामुळे या दोन्ही आमदारांची त्वरित चौकशी करून त्यांना अटक करण्याची मागणी मी करतो आहे.”

”ही टोळी संपूर्ण देशात कार्यरत आहे. त्यामुळे हे देशद्रोही कृत्यामध्ये सामील होण्यासारखं आहे. याचा तपास हा एनआयएच्या माध्यमातून केला जावा, अशी देखील मागणी मी मुख्यमंत्र्यांकडे करतो आहे.” असेही भातखळकर यांनी म्हटले आहे.

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER