आलिया भट्ट ‘RRR’ मध्ये गाणार आहेत दोन गाणी, जाणून घ्या, कोणत्या महिन्यापासून आणि कुठपासून सुरु करणार आहे गाण्यांचे शूटिंग?

Alia Bhaat & RRR

बॉलिवूड अभिनेत्री आलिया भट्ट यावर्षी बर्‍याच चित्रपटांमुळे चर्चेत आहे. लवकरच ती ‘बाहुबली’ फेम दिग्दर्शक एस.एस. राजामौली यांच्या बहुप्रतिक्षित चित्रपट ‘RRR’ मध्ये दिसणार आहे. दरम्यान, या चित्रपटात आलिया आपला आवाज दोन गाण्यांमध्ये देईल अशी बातमी आहे. आलिया या दोन्ही गाण्यांच्या शूटिंगसाठी सज्ज झाली आहे. या दोन्ही गाण्यांचे शूटिंग हैदराबादमध्ये केले जाणार आहे. या गाण्यात आलियाचा लुक पूर्णपणे बदललेला असेल.

आलिया आपला आवाज कोणत्या गाण्यात देणार आहे त्याबद्दल अद्याप कोणतीही माहिती समोर आली नाही. तथापि, चित्रपटाशी संबंधित सूत्रांचे म्हणणे आहे की ती या चित्रपटाच्या डान्स नंबरवर आपला आवाज देऊ शकते. या गाण्याव्यतिरिक्त तिच्याकडे आणखी एक गाणे देखील आहे जे ती स्वत: गाईल. यापूर्वी आलियाने दिग्दर्शक इम्तियाज अलीच्या ‘हायवे’ चित्रपटामध्ये आणि शशांक खेतानच्या ‘हम्प्टी शर्मा की दुल्हनिया’ मध्ये गायले होते.

वृत्तानुसार आलिया भट्टने ‘RRR’ चित्रपटासाठी तिचे सर्व सीन्स शूट केले आहेत आणि आता ती या चित्रपटाच्या दोन मोठ्या गाण्यांचे शूटिंग करणार आहे. अभिनेता राम चरण सोबत लवकरच ती या दोन्ही गाण्यांचे शूटिंग करणार आहे. बातमीनुसार, या गाण्यांचे शूटिंग हैदराबादमध्ये केले जाणार आहे. त्याचबरोबर गाण्यात आलियाचा लूक पूर्णपणे बदलला जाईल. बातमीनुसार ती आता एका नवीन अनोख्या अवतारात दिसणार आहे.

दिग्दर्शक एस.एस. राजामौली यांच्या बहुप्रतिक्षित चित्रपटात आलिया शिवाय राम चरण आणि जूनियर एनटीआर, अजय देवगण, श्रिया सरन मुख्य भूमिकेत आहेत. चित्रपटाविषयी बोलताना निर्माता डीवीवी दानय्या म्हणाले होते की, आम्ही ‘RRR’ च्या शूटिंग शेड्यूलच्या शेवट पर्यंत आलो आहोत आणि हा चित्रपट प्रेक्षकांपर्यंत पोहोचवण्यासाठी खूप उत्सुक आहोत. प्रेक्षकांसह सिनेमागृहात दसऱ्यासारखा मोठा उत्सव साजरा करण्यासही आम्ही खूप उत्सुक आहोत. “

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER