एकाच षटकात ६ षटकार ठोकणारे असे ७ धाकड फलंदाज

7 strong batsmen who hit 6 sixes in a single over

ताशे तर प्रत्येक खेळाडूने चेंडूला मैदानाबाहेरच्या मार्ग दाखविला आहे, परंतु सलग ६ षटकार (6 sixes) मारणे हे प्रत्येक खेळाडूसाठी सोपे नाही आहे, आजपर्यंत केवळ काहीच खेळाडूंनी ही कामगिरी केली आहे.

क्रिकेटचा (Cricket) खेळ पाहण्यास प्रत्येकजण उत्साही असतो आणि जेव्हा आपले आवडते खेळाडू चौकार आणि षटकारांचा मैदानावर पाऊस पाडतात तेव्हा ही खळबळ आणखीनच वाढते. ताशे तर प्रत्येक खेळाडूने चेंडूला मैदानाबाहेरच्या मार्ग दाखविला आहे, परंतु सलग ६ षटकार मारणे हे प्रत्येक खेळाडूसाठी सोपे नाही आहे, आजपर्यंत केवळ काहीच खेळाडूंनी ही कामगिरी केली आहे. म्हणूनच आजच्या या खास कथेत आम्ही तुम्हाला अशा क्रिकेटपटूंची नावे सांगणार आहोत, ज्यांनी सलग ६ षटकार लगावून प्रत्येकाला आश्चर्यचकित केले आहे.

गैरी सोबर्स (१९६८)

क्रिकेट विश्वाचा महान अष्टपैलू खेळाडू गैरी सोबर्सने (Gary Sobers) १९६८ मध्ये प्रथम श्रेणी क्रिकेटमध्ये ६ चेंडूत ६ षटकार ठोकले होते आणि असा करणारा तो पहिला क्रिकेटपटू ठरला होता.

रवी शास्त्री (१९८४)

भारताचा माजी फलंदाज आणि विद्यमान प्रशिक्षक रवी शास्त्री (Ravi Shastri) हा क्रिकेट जगातील दुसरा फलंदाज होता ज्याने सलग ६ चेंडूत ६ षटकार ठोकले होते. १९८४ मध्ये रणजी करंडक स्पर्धेत रवी शास्त्रीने बडोद्याच्या टिळक राजच्या ६ चेंडूत ६ षटकार लावले होते.

हर्शल गिब्स (२००७)

दक्षिण आफ्रिकेचा सलामीवीर हर्शल गिब्स (Herschel Gibbs) आंतरराष्ट्रीय क्रिकेटमध्ये सलग ६ षटकार ठोकणारा पहिला फलंदाज ठरला होता. २००७ च्या विश्वचषकात नेदरलँड्सचा डान वान बुंगे हा दुर्दैवी गोलंदाज ठरला होता. गिब्सने त्याच्या षटकातील सर्व चेंडूत षटकार मारून इतिहास रचला होता.

युवराज सिंग (२००७)

भारताचा माजी क्रिकेटपटू युवराज सिंग (Yuvraj Singh) ६ षटकार मारणारा दुसरा भारतीय फलंदाज ठरला होता. २००७ च्या टी २० विश्वचषकात युवराजने इंग्लंडचा गोलंदाज स्टुअर्ट ब्रॉडला सलग ६ षटकार ठोकून हे यश संपादन केले होते. इतकेच नव्हे तर वेगवान गोलंदाजाच्या चेंडूवर सलग ६ षटकार ठोकणारा युवराज पहिला फलंदाज होता, त्याच्या आधी हा विक्रम ज्यानेही केला तो फिरकी गोलंदाजांच्या चेंडूवर बनला होता.

रॉस विटली (२०१७)

वॉस्टरशायर संघाच्या रॉस विटिलिने (Ross Whitley) इंग्लंड काउंटी क्रिकेटमध्ये यॉर्कशायरचा फिरकीपटू कार्ल कर्वरच्या एकाच षटकात ६ षटकार लावत ही कामगिरी केली होती.

हरजतुल्लाह जजई (२०१८)

अफगाणिस्तानचा फलंदाज हरजतुल्लाह जजईने (Hazratullah Jajai) अफगाणिस्तान प्रीमियर लीगमध्ये काबुल जवानाकडून खेळत सलग सहा षटकार खेचले होते. जजईने हा पराक्रम बलख लैजेंड्सचा गोलंदाज अब्दुल्ला मजारी याच्याविरूद्ध केला होता.

लियो कार्टर (२०२०)

न्यूझीलंडच्या लियो कार्टरने (Leo Carter) घरगुती टी -२० स्पर्धेत नॉर्दर्न नाइट्स विरुद्ध स्पिनर एंटन डेवसिचच्या चेंडूवर सलग ६ षटकार ठोकले होते. कार्टर हे काम करणारा सातवा फलंदाज होता. त्याच्या आधी ही कामगिरी वेस्ट इंडीजचा गैरी सोबर्स, भारताचा रवी शास्त्री आणि युवराज सिंग, दक्षिण आफ्रिकेचा हर्शल गिब्स, इंग्लंडचा रॉस विटली आणि अफगाणिस्तानचा हरजतुल्लाह जजई यांनी साधली आहे.

ह्या बातम्या पण वाचा : 

बातम्यांच्या अपडेटसाठी लाईक करा आमच्या फेसबुक पेजला

MT LIKE OUR PAGE FOOTER